Génesis 10:1 - Sharanahua: Diospan Tsain

¹ Noé facufo nan Sem yafi Cam non Jafet nanfo man faitahuan nashano chipo facuyai taunifo. Natian nan rafu non fustiton aton funafohuunoa mato yoi man tapinon.

Génesis 10:1 Iomraidhean Croise

Génesis 10:2

Jafet ahuun facufo ato anupacuni. Futsa Gomer non Magog non Madai non Javán non Tubal non Mesec yafi Tiras ini.

Génesis 2:4

Ascatan nanscacoin huaquin nocon Ifo Diosin nai yafi mai onihuani. Ato oni huatiancai nocon Ifo Diosin yonofo onihuatai inima. Ascashon mai anoricai oi fumatai inima. Tsoaricai mau ano yonoatai inima.

Génesis 5:1

Asca natian un mato Adán funafoan ahuun anufo cunushoni. Ini Diosin nocofunu Adán a cuscara oni huaqui tau huani.

Génesis 5:32

Ascan Noé quinientos fari aqui caano furufo nan Sem non Cam non Jafet cainni.

Génesis 6:9

Noé ipaoni cuscahuunoa cununi isca huaquin. Noé nocofunu fasi sharacoin ini. Diosin yoia cuscacoin huapaoni. Ascashon Diosi amapaiyai cuscan aru fusti huafafainpaoni Noé niyoatiancai rato futsan Diosi amapaiyai cuscan huapaonima.

Génesis 9:1

Ascan Diosin Noé yafi ahuun facufo tsain shara yoiyoni isca huaquin, —Facu ichapa caihuacahuun maitio ano inonfo.

Génesis 9:19

Nan rafu non fusti Noé facu ini. Nanfohuunoashu afanan nan maitio facu ichapa caini.

Génesis 9:29

Nantia Noé ahuun fari novecientos cincuenta faria ini. Ascan nanti fariashu nani.

Génesis 9:7

Ascashon facu ichapa caihuacahuun nan maitio inonfo, —ishon Dios ato yoini.

Mateo 1:1

Un mato Jesucristohuunoa tsain shara tapimai. Ahuun shunifoan aton anufo un mato yoiqui tau huai. Ahuun shuni David yafi Abraham.