Génesis 1:27 - Sharanahua: Diospan Tsain

²⁷ Ascatan Diosin nocofunu onihuani ahuun shinan cuscara icain a cuscara inon. Ascashon nocofunu yafi ainfo onihuani.

Génesis 1:27 Iomraidhean Croise

Génesis 2:18

Ascashon nocon Ifo Diosin afanan yoini, —Adán arus icacai sharamafinquin. Unfin afu rafua onihashoicai a futan ahuara nan yopai cusca a fu anon, —ishon yoini.

Génesis 2:7

Ascatan nocon Ifo Diosin mai fishon yora huaquin futsashon nocofunu onihuani. Asca huatan ahuun ruchocoqui ashaitanaino nocofunu shacaina cahuani ninon. Ascatan Diosin nocofunu oni huaquin tau huaniquin.

Salmos 139:14

Ascacun un mia aicho huai mian oni huaquin shara huani. Tsoan futsacai min acai cuscan atiroma. Nanfin mun tapicoianquin.

Mateo 19:4

Jesús ato cumani, —¿Man Moisés cununi cuscan oinmisimamun? Diosin nantifi onihuani. Tau huaquin nocofunu yafi ainfo onihuani.

Marcos 10:6

Ascafiaino Diosin nocofunu yafi ainfon onihuashocai anori shinannima. Ato onihuaquin tau huani funu yafi ahuin potananonfoma.

Efesios 2:10

Diosin noco onihuani non Jesucristohuunshon yonosharashonon. Noco oni huataima noco amapaiyai cuscan shinanyoni non futsafo shara huashonon.

Efesios 4:24

Diosin sharacoin fusti cuscara funa shara icahuun. Jesús mato nashoni maton chaca soashonano Upa Dios cuscara shara man inon.

Deuteronomio 4:32

Nocon Ifo Diosin yora tauhuaquin oni huani chain mato sharahuashomisi cusca tsoancai nicayomisima. Man nantifi yocatirofiacai tsoancai anori nicamisima.

Colosenses 1:15

Ascan noncai Upa Dios non ointiromafiano Furun Jesús mai ano oni. Ascashon Furunmun noco tapimani ahuu cuscaramain Apa Diosiquin. Ascan Furun Jesusfin nan Apa cuscaracoin. Ahuun ointi cuscarari. Ahuashtacai oniataima Apa Dios fu nai muran iyopaoni.

Colosenses 1:26

Nan tsain Jesucristohuunoacai noco shunifoan tapiyopaonifoma. Diosin tsoa tapimayopaonima. Natiantan Diosin rama shara noco tapimani. Non ahuun yorafocun.

Colosenses 3:10

Man ipaoni cuscan afanan atanma natian man Jesucristo catoan a cuscara shara iishquin. Ascan Upa Diosin mato nomuran onihua funa. A cuscara shara finacoinquin mato imafafainshquin ahuunoa finonmafain onansharanon.