Gálatas 6:1 - Sharanahua: Diospan Tsain

¹ Uhuun yoramishtichin man futsan chaca huaiton oincaquin. Diospan Yoshin Shara tanasharacaquin ahuun ramapaiquin oi tsii huafain yoihuu chaca shatunon. Oinfain. Tsain curushu iyamacahuun. Mafiri man chaca huamutiroquin.

Gálatas 6:1 Iomraidhean Croise

2 Samuel 11:2

Yatashtacoin David ahuun racati anoashu funicaini pushu fomancaya sapacoin camaqui cahuancacaini ainfo fasi sharashtacoin nashiaiton oinni. Na ainfo ahuun imishupucumisitian imi shatuano nocon Ifo Diosin Israeli yononi cuscan nashini. David oinshon ahuun oinmati nichini nan ainfohuunoa tapimanon. Ascaino ahuun oinmatinin ainfo icanoashu nasoshon yoini isca huaquin, —Na ainfo ahuun anu Betsabé Eliam facu. Ahuun funu Hitita ahuun anu Uríasran, —ishon yoiaiton David ahuun oinmati cumani isca huaquin, —Betsabé pushu ano catahuun ua ihuushoshquin, —ishon yononi. Ascano aqui nocoashu a fu oshani. Iyoconaino ahuun pushu ano nasoni.

Mateo 26:69

Ascaino Pedro pushu umainti caashu tsaoni. Ascano nocohuunshon Dios cufimisi niaifoan ahuun oinmati shomayaton Pedro fuchishon yoini, —Jesús Nazaret anoa fu mirifi min afu oaquin, —huaiton.

Mateo 26:75

Tacara cuoaino Jesús yoia cuscan Pedronun shinantani. —Pedron un mia yoi. Na yamutan tacara cuoataima min ato yoiqui rafu non fusti huai, “Un Jesús oinmisimaran,” —ishon Jesús yoia cuscan shinantani chifi caashu Pedro fasi uaini.

Romanos 14:1

Tsain futsari un mato yoi. Tsoan Jesús Ifo huafiashocai ahuun tsain shara atirifi tapisharataima matofu ichanainton, —¡Aicho! No fu ichananhuun, —huacahuun. Man shinain cuscan shinanyamaiton afu fochishmanantananyamacahuun. Aqui tsain chaca huayamacahuun.

Romanos 15:1

Non icoinra huaitin Diosin noco yoini non nantifi tushu pitiro. Ascan icoinra huafoma non ato funaiquimashta yositiro atofu fochishmanantanantama. Nofin non apaiyai cuscan fusti non atiroma. Nan icoinra huaa futsafohuuri non ramapaitiro shinansharanon nocon Ifo non ato tanamasharatiro.

Romanos 8:6

Diospan Yoshin Shara nocon nomuran iquinano nocon ointi fasi unimacointiro. Ascashu non Upa Dios fu ipasharatiro. Asca ratoranfo chacapan aton ifo icaino Diosihuunoa shinansharatiroma. Aton nomuran shinanchacamisifo Upa Dios noicasmaifoan. Ascan ato yonomapaiyai cuscan nicacasmamisifo. Chaca shinancaquin Diosin tsain nicatirofoma. Nicayamashu Upa Dios fu ipatamarocon omitsiscapanacafo.

1 Corintios 10:12

Asca tsoan shinanquin isca huai, —Uncai aton cuscara chaca huatiroma. Unfi cayacafi fusti itiroquin, —ishon anori shinainno oinfain. Marifi man Jesús tanasharayamaino aton cuscara chaca man itiroquin.

1 Corintios 14:37

Ratoranfo man futsan yoiquin man isca huatiro, —Non Diospan tsain yoimisi ascayamarai non Diospan Yoshin Sharahuunshon icoinra huaafo non ahuara ashotiroran, —man icun. Nanscarifi aquin man tapitiro nan nafo un mato cunushonai cuscan nocon Ifoan mato yonoi.

1 Corintios 2:15

Ascaino ratoran futsa Diosin Yoshin Shara afu icaino Diosin ato tapimapaiyai cuscan tapitirofo. Ratocaimain chaca iyamarai sharaquin Diosin Yoshin Sharapan ato tapimai. Ascafiashu Diosin Yoshin Shara fu rafuamatocai a Jesús icoinra huaafo onantiroma.

1 Corintios 3:1

Facu rama caiantocai tsain tapiama. Yosishon tsain nicatiro. Nanscarifi aquin Jesús rama icoinra huafofin facu rama caian cuscarafoquin. Diosin aton Upafiacucai tsoan ahuun tsain atirifi tapisharataima. Manfin nanscarafoquin. Rama Jesús ifo huayamafiashu man nanscasi aamisiquin. Diosin tsain man man nicafiaicai a yoia cuscan man aama. ¡Ohuashta! Uhuun yoramishtichin manfin Diospan tsain nicamisima cuscarafoquin. Rama Jesús icoinra huafo cuscara. Nan Diospan Yoshin Shara ato iquinafoanfin ahuun tsain nicasharatirofo. Mancai ascarafoma. Ascan un mato Diosin tsain yoipaiyai cuscacai atirifi un mato yoitiroma. Facushtan shoma fusti aiyotiro namicai piyotiroma. Nanscarifiai atirifi Diosin tsain man nicafiaquicai ahuun tsain man tapiyotiroma. Nanscacun un ichapamashta mato yoiyotiro. Ahuun tsain futsafori un mato yosipaifia mancai tapisharataima. Ascano mancai itisharama paratama nicashquin. Manfin Diospan Yoshin Shara fu rafuama cuscarafoquin. Ascashu futsafo ahuaraya cuscan man ato fuchipaifain fochishmanantanainsi man ica. Nanscarafoancai Diosin tsain nicacanima. Marifi man nanscarafo. Ascashufin Diospan yorama ointsa man aaquin.

1 Corintios 4:21

Ascashu un nocoaitian ahuun curushpan un matoqui nocoshquin. Ascashofin man ica cuscan huafain un tapitiroquin. Man chaca shatuyamacun Diosihuunshon un mato onaintimatiro. Asca maton chaca man shatucun un matohuun fasi noiquin un oi tsii huasharafain mato yoishquin. Ascan mafi catontiroquin ratocaimain un aquicai. Maton tsainhuunshon onaintimai iyamarai oi tsii huasharafain mato yoishquin.

1 Corintios 7:5

Raninonanyamacahuun. Ascashon man chipo shinanquin isca huatiro, —Natian non Upa Dios cufiyonon. Shafa ranan non iyoimacai. Chipo afanan non inon, —icashu man unuyotiro. Ascafiashon chai manariyamacahuun. Man ascariaino Satanás mato chaca huamatiroquin. Funu ainfo futsa fu ipaitiro. Nanscarifiai ahuin nocofunu futsa fu ipaiquin chaca huatiroquin.

2 Corintios 10:1

Natian un tsain futsari mato yoisharapai. Uhuun yoramishtichin ua nicasharacapun. Cristocai tsain curushpan noco yoima. Nocohuun noishon funainquimashta noco yoisharai non ahuun tsain nicasharanon. Nanscarifi aqui un Cristohuunshon mato funainquimashta yoisharapai man tapinon. Man atirififain yoiquin isca huamisi, —Pablon no fu icun non oinmisi ahuun tsain shacashta noco yoimisi. Ascafia noco cunushomisi cuscan ascaracaima ratutama cayacaficoin noco curushcain cunushomisiran, —ishon uhuunoa yoimisifo.

2 Corintios 2:7

Ascatan man aca cuscan afanan huacaquima rau huacahuun. Ascashon yoisharacahuun. Ahuun ointi unimamashcaquin afanan omitsiscanonma. Man yoisharayamaino afanan fasi ahuun nomuran omitsiscai finacaitiro afanancai shinansharatiroma.

2 Corintios 2:8

Ascashon un mato yoiai cuscan ua nicasharacahuun. —Non mia noicoinran, —ishon afanan yoicahuun tapinon.

Gálatas 5:23

Ahuara tapifiashu afiri curanfia huamuyamacai tso fu iquinanpaiyamacai tsain tsii huafain yoimisi icain futsafohuun shinansharafain afin apaiyai cuscan huatama nan Diosin amapaiyai cuscan fusti huamisi. Diosin Yoshin Shara fustihuunshonfin asca huatirofoquin. Tsoa ascaicai afanan tsain futsan yopaima. Nan Diospan Yoshin Sharapan yonoa cuscan man aiquin. Ahuatocai afanan yonotiroma.

Gálatas 6:18

Uhuun yorafoan nocon Ifo Jesucristo matohuun ramapaiqui mato shara huafafaini. Nanscasi ipanon. Amen. Nanti. Pablo

1 Tesalonicenses 4:1

Uhuun yoramishtichin uhuun tsain unutaqui un mato yoinon. Non mato yosipaoni ahuuscashumain man itiroquin Diosin matoqui unimanon. Nan non mato yosipaoni cuscan man man nanscacoian. Ascacun afanan non mato yoi noco nicacoincapun. Man Dios tanashara cuscan nocon Ifo Jesushuunshon fasi finacoinquin tanasharacahuun.

2 Tesalonicenses 3:15

Nanscara yora fucai tsoan rafutiroma. Ascafia shinanqui isca huayamacahuun, —Un noicasma cuscararan, —ishon anori shinanyamacahuun. Ascashon nan mato yoracoinhuun man shinain cuscan atohuurifi shinancahuun.

2 Timoteo 2:25

Diospan tsain iconshara nicacasmaifori oi tsii huafain ato tapimasharahuun Diosin aton nomuran shinanma futsaino ahuun tsain iconcoin tapinonfo.

Hebreos 12:13

Ascashu cayacafi isharacoincahuun Jesús tanasharashcaquin. Man ascaiton oin nan icoinra huasharafoma matohuun caopaitirofo Jesús cuscara shara iisharashcaquin.

Hebreos 13:3

Nan cunu muran iquiafo shinancahuun. Ascashu atohuun ramapaicoincahuun. Marifi atofu cunu muran iquimamua shinantsa acahuun. Futsafo Jesushuunoashu omitsiscacoinnafo nanfohuunri ramapaicahuun. Ascashu marifi atofu omitsiscamuai shinantsacahuun.

Santiago 3:13

Tsain futsari un mato yoinon. Nan mafi ranan man cayacafi shinanmumisi cuscan. Futsafori man ashosharamisi. Ascashon man ato ismasharatiro. Tsoa chaca huamisima nan Diosin yonoaiyai cuscan fustisi huamisi. Man ascaiton nantififain ointirofo man Dioshuunshon cayacafi shinansharacun.

1 Pedro 3:15

Ascatama maton nomuranshon nocon Ifo yoiqui isca huacahuun, —Criston minfin uhuun Ifocoinquin. Mincai ahuashta chaca huamisima. Minfin shara fustiquin, —ishon yoicahuun. Ascatari futsafoan mato yoiquin isca huai, —Ahuuscashocon min tapiain min Dios fu ipashquiain, —ishon mato yocaiton iquisi itisharacahuun ato tapimasharashquin.

1 Juan 5:16

Ascan tsoan Jesús icoinra huafiashon chaca huaiton oinquin non Upa cufishotiro chaca shatunon. Ascan Upa Diosin ato numatiro nipanonfo ato imasharatiro. Ascafia futsafoan ipaitsi Jesús ifoancoinna ointsa iyofiashon chipo potacoian. Chaca shinanfafainquin Dios cachiquiri huacoinnafo. Ascarafocai tsoashtan numatiroma nipanon. Naashu omitsispacunacafo muran focani. —Ahuunoa Upa cufishocahuun, —ishoncai un mato anori yoima.