Filemón 1:23 - Sharanahua: Diospan Tsain

²³ U fu rafumisi nuno cunu muran nan Epafras mia yoisharai. Nanto arifi Jesucristohuunoa yoiaiton cunu muran iquimanifo.

Filemón 1:23 Iomraidhean Croise

Romanos 16:7

Uhuun yoran rafuri Andrónico yafi Junias ua yoishocahuun. Nan rafu ufu cunu muran iquinifo. Jesús fu rafumisifoan atohuunoa yoisharamisifo. Un Jesucristo icoinra huataima nan rafutan icoinra huaquin tau huanifo.

Colosenses 1:7

Nan Epafras nocofunu fasi shara. Un ahuun noicoin. Arifi no futan Cristo yonosharashomisi. Noncai matofu itiro ipaonima. Ascacun afincoin mato Jesushuunoa tapimayopaoni.

Colosenses 4:10

Ascano noco yora Aristarco yafi ua cunu muran iquimanifo. Nantonrifi mato tsain shara fomai. Ascan Marcos arifi mato yoisharapai. Nanfin Bernabé ahuun chaiquin. Ascacun nan Marcos matoqui nocoaiton un mato yoia cuscan ihuisharafain cushusharacahuun.

Colosenses 4:12

Epafras matofu iyopaoniton arifi mato yoisharapai. Nanrifi nocon ifo Jesucristo ahuun oinmati. Ascashon nanton mato Upa Dios cufishoqui isca huafafaini, —Upa Diosin min ato amapaiyai cuscan nantifi ato amahuu ahua futsa shinanonfoma. Ascashu min Furun Jesús ointi cuscara shara inonfo, —ishon nannori un mato Upa Dios cufishoquin huafafaini.

Filemón 1:1

Uquian Pablo un mia cunu fomai. Uhuun yorahuan Filemón un fasi mia shinancoin. Man min tapia un Jesucristohuunoa yoifafaini. Ascacun ua cunu muran iquimanifo. Nocon yora Timoteo ufu ica. Arifi mia tsain fomapai. Ascan minfin no futan Jesucristo yonoshomisiquin. Nan Jesús icoinra huafo min pushu muran ichananmisifo ua atori yoishohuun. Nocon shafo Apia yafi Arquipori nan Arquipo arifi noco futan Jesucristohuunoa yonoshomisi nan rafuri non ato tsain fomai.

Filemón 1:9

Ascafiaquicai un mia yonomapaima. Un fasi minhuun noicoinquin mia yonotamarocon un mia yocai. Ufin Pabloqui natian un anifo. Un Cristohuunoa yoimisicun ua cunu muran iquimanifo.