Éxodo 9:22 - Sharanahua: Diospan Tsain

²² Ascaino nocon Ifo Diosin Moisés yoini isca huaquin, —Nai ari mutohuun Egipcio maifoti ano unu matsi tocoronunhuanfo yorafo non inafo non fanafo camaqui pacunon, —ishon yoini.

Éxodo 9:22 Iomraidhean Croise

Éxodo 10:21

Ascatan afanan nocon Ifo Diosin Moisés yoini isca huaquin, —Min mucu nai ari mushanhuun. Min ascaino nantifi Egipcio mai ano faquishihuancoin inon. Ascara faquishcai tsoan oinyomisima. Egipcio mai anoshon nan faquish iishquiai cusca Egipciofoan oinshquicani. Moisés, min mucu mushanhuainifoanhuun min ascatapaiyaino faquishihuancucahuanon. Nan Egipciofo icafoti faquishihuanriscatashquin, —ishon Diosin yoini.

Éxodo 7:19

Ascatan nocon Ifo Diosin Moisés yoini, —Aarón yoihuu ahuun poquiti tsomanon Egipcio ato unu amanaonri susoaino nantifi unufo non shushafo non ianfo non unu pozofori fiananriscatan imicoin iishquin. Nantifi Egipcio mai anoa imicoin iishquin. Nantifi cutifo muranri imi iishquiran, —ishon nocon Ifo Diosin Moisés yoini.

Éxodo 8:16

Ascaiton nocon Ifo Diosin Moisés yoini isca huaquin, —Aarón yoihuu ahuun poquitinin mai tsacanon. Tsacaino nan mai mapo fiananriscatanaino nantifi Egipcio mai ano shion huarasi oniriscatanon, —ishon Diosin Moisés yoini.

Éxodo 8:5

Ascano nocon Ifo Diosin afanan Moisés yoini isca huaquin, —Min ochi Aarón yoihuu ahuun poquiti Egipciofoan ato unu non shushan non ianhuuri susonon. Asca huaino nanhuurinoashu fushcon huarasi Egipcio maifoti atoqui funon, —ishon Diosin Moisés yoini.

Éxodo 9:21

Ascafia atirifi ahuun niaifo patasharinoafoan shinan Diosi yoia cuscacai ahuama. Ascashocai aton yonomatifo non aton inafo tsoan pushu muran iquimanima.

Josué 10:11

Nan mucu fustiti Amorreo niaifofo futan aton ranushumuafoya ichoaifoanno nocon Ifo Diosin nai muranshon unu matsi tocoro uhuapacoin atoqui potaino ichapacoin nai futsunifo. Israelifoan ato nopun rutua finonmacaifain nocon Ifo Diosin unu matsi tocoronun uhuapacointon fasi ichapacoin ato rutuni.

Apocalipsis 16:21

Nantianri unu matsi tocorofo uhuapacoin aton ihuu cincuenta kilos cuana nai murannoashu yorafo fuchi pacua. Ascafia aton chaca shatutamarocon, —Diosin fasi chacacoin. Nan unu matsi tocorofo uhuapacoinun noco omitsiscamairan, —ishon yoiafo.