Éxodo 9:16 - Sharanahua: Diospan Tsain

¹⁶ Ascafiacai un mato asca huama. Un mia niaifo ima un minhuunshon min non min yorafo non nantifi manifoti anoafo un ahuamamishti huatiro cusca tapinonfo.

Éxodo 9:16 Iomraidhean Croise

Éxodo 14:17

Unfin Egipciofoan aton nomuran shinanchacamanicai mato mufainonfo. Nan aton niaifo Faraón non ahuun ranushumuafo non aton taramutifoya non aton caballofo non caballo camaqui camisifori un ahuamamishti huatiro cusca un ato ismai un ahuamamishti huatiro nantififain uhuunoa tapinonfo.

Éxodo 14:4

Ascano un afanan Faraón ahuun nomuran curush huamai cusca afanan min caifohuunoa shinanchacai. Matohuunoa nannori shinanquin ahuun ranushumuafoyashon mato mufaini focani mato afanan achishcaquin. Ascafia un acai cusca nantifi yorafoan tapitirofo tsoa futsacai ua cuscara sharama. Ascashon tapitirofo un ahuamamishti huatiro. Nanscacufin Egipciofoan tapicaniquin unfin Ifo Diosiquin, —ishon nocon Ifo Diosin yoini. Nan nocon Ifo Diosin ato yononi cusca Israelifoan huanifo.

Éxodo 18:11

Nan cacapaimisi Egipciofoan mia non min yorafo chaca huapaoni. Nanscacun nocon Ifo Diosin ato onaintimana afanan mato omitsiscamanonfoma. Ascacun natianfin mun tapiaquin ahuara futsafocai Dioscoinfoma. Nocon Ifo Diosin nantifi finoanran, —ishon Jetro yoini.

Éxodo 9:15

Un mato onaintimapaiquifin un mato omitsiscama cuanaquin man nai futsunon. Afanancai man na mai ano icuanama.

Éxodo 9:17

“ ‘Un mia omitsiscamafiaitocai mian nicataima. Min shinanraca un ahuama. Uhuun yorafocai min ato min mai anoshon nichipaima.

Números 14:21

Ascafia un amisi cusca man ua icoinra huatiro. Un fasi sharacoincun ua manifotiton ointirofo. Ascacun nanrifi man icoinra huatiro.

Romanos 9:17

Ascano Upa Diosin Egipciofo aton niaifo yoini, —Un mia niaifo imashquin nantifi manifoti anoafoan un ahuamamishti huatiro minhuunshon tapinonfo, —ishon yoini.

Romanos 9:22

Nanscarifiai Upa Diosin nantifi yora onihuafiacun atirifoan ahuun tsain nicacasmamisifo. Funainquimashta ato yoiyofiaiton nicayamacaiyaifoan inoncai atoqui sinaquin. Ato potatiro chacani fustisi tapiaifoan. Asca huaquin ato ismatiro ahuamamishti huatiro cuscan.

Josué 4:24

Noco asca huashoaiton nantifi manifotifain tapinonfo nocon Ifo Diosi ahuun curushhuunshon ahuamamishti huatiro. Ascacun norifi nocon Ifo Diosihuunoa non shinansharapacunaca noco yonoai cuscan non anon, —ishon Josué ahuun caifofo yoini.

1 Pedro 2:19

Man chaca huayamafiacun mato ifoan mato omitsiscamafiaino Diosihuunshon shinanquin tunucahuun. Man tunuaiton Upa Diosin matohuunoa yoisharashqui.

1 Pedro 2:8

Afanan Diosin tsain yoini cuscan huafain un maton yoi isca huaquin, “Toquiri uhuapa fai namancaia racafiano oinsharatamacai otisicaini non pacutiro. Nanscarifi aqui tsoan nocon Ifo Jesús icoinra huacoianshma pacui cafiscashu funotiro Upa Dios icari nocopaifiai omitsiscapanacafo muran focaniran,” ishon Diospan yoini. Diosin yonofiani Cristohuunoa nicacasmafain yoitimashu funopacunacafo. Nannori Diospan tsain yoiyoni.

Judas 1:4

Futsafoan mato muran nocoi tau cashon man tapicuma mato fomanfo chaca huamisifiacashon. Ascashu nanfocai Diospan yorama. A furicai imisifoma non chaca huamisi cuscan non yoiaiton Upa Diosin Furunhuunshon noco soashona non afu ipanon. Nan fusti non yopai isharashquin. Ascafia nanfoan fasi amaquiri chacacoin mato tapimapaicani. Isca huaquin mato yoipai, —Man Jesús icoinra huashon man apaiyai cuscan man atiroqui. Maton ahuinma fu icain ainfofori aton funuma fu itirofo. Ascashon ahuara chaca futsafo man huapaiyai cuscan man atiro. Non asca huaitocai Dios noco onaintimaimaran, —ishon fasi amaquiri mato yosipaicani. Nocon Ifo Jesucristo fusti nicacasmacani. Nan cuscarafohuunoa Diospan tsain cunuyoni. Ato onaintimaicoinshquin.

1 Samuel 4:8

¡Ohuashta! ¿Nonmun ahuuscatiroquin? ¿Tsoan noco numatiromun? Nan icafoanno aton Diosin curushcoin nocoa. Nan Diosi tsoa istaipama anoshon Egipciofo pau isincoin fuchimanano nai futsunifo.