Éxodo 9:14 - Sharanahua: Diospan Tsain

¹⁴ Min ua nicacasmaiton un mia omitsiscamai mia non min niaifo patasharinoafo non nantifi min caifofori nan man muyomisima cuscara un mato omitsiscamai. Ascano man tapitiro manifoti anoshon tsoa futsacai ua cuscarama. Urus fustifin un ahuamamishti huatiroquin.

Éxodo 9:14 Iomraidhean Croise

Salmos 86:8

Futsafoan aafin dioscoinma rami huaafo. Nanfocai mia cuscarama. Min ahuamamishti atiro cuscan nanfoancai atiroma.

Éxodo 15:11

Nan diosiran ishon rami huafocai dioscoinfoma. Afocai mia cuscarafoma. Tsoa futsacai mia cuscarama. Min fusti sharacoin. Mia cuscaracai tsoan oinyomisima. Min ahuamamishti huatiro. Min curushhuunshon ahuara huamisi cusca oinquin, “¡Aira! ¡Oincapon! Diosin acai cusca fasi sharacoinran,” ishon non yoitiro.

Éxodo 8:10

—Funamari ua cufinshohuun, —ishon Faraón yoiaiton. —Mian yoia cusca un mia Ifo Diosin cufinshonon. Ascano min tapitiro tsoa futsacai nocon Ifo Diosin cuscarama.

Éxodo 8:6

Diosin yoia cusca huaquin Aarón ahuun poquiti nan unufotihuuri Egipcio maihuuri susoni. Susoaino fushco huarasi ato muran nocoriscatani.

Éxodo 9:15

Un mato onaintimapaiquifin un mato omitsiscama cuanaquin man nai futsunon. Afanancai man na mai ano icuanama.

Daniel 5:21

Yorafoan nannoshon potanifo. Nan yoinaton shinain cuscan arifi shinanpaoni. Ascashu yoinafo burro icai cuscan foanfaincaquin min shuni arifi ato futan fasi pipaoni. Ahuun caya nifipan muchana huapaoni. Fari ichapa nisocoin iyopaoni afanan shinansharacoinquin yoini isca huaquin, “Ifo Diosin min nantifi finoncoian. Min manifoti min ato iquina. Min tsoa niaifo imapaiquin min imatiroran,” ishon min shuni Nabucodonosor nocon Ifo Diosi yoini.

Deuteronomio 3:24

“Uhuun Ifon, min nantifi iquina. Unfin min oinmatiquin. Min ahuamamishti huatiro cusca huafain min nantifi finoncoian mian tau huaquin ismani. Nai muran iyamarai mai anocai diosi futsa yamai. Min atiro cuscacai tsoa futsan huatiroma. Min curushhuunshon min ahuamamishti atiro cusca tsoa futsa huatiroma.

Deuteronomio 4:35

Nocon Ifoan nan cuscarafo mato oinmana man tapinon arus fusti Diosincoin. Diosi futsa afanan yamai.

Apocalipsis 22:18

Unquian, Juan, ahuuscaran arishcashquiain cuscan un mato cunushona. Un mato cunushonai cuscan cayacaficoin. Tsoan nan tsain nica natian un mato yoipacuai cuscan. Ua nicasharacahuun. Un mato cunushona cuscan tsoan afanan tsain futsa shinanfain cunucun nan libro muran omitsiscapanacafohuunoa cunua cuscan iconcoin Upa Diosin nantifi nanfo omitsiscamashquin.

1 Samuel 4:8

¡Ohuashta! ¿Nonmun ahuuscatiroquin? ¿Tsoan noco numatiromun? Nan icafoanno aton Diosin curushcoin nocoa. Nan Diosi tsoa istaipama anoshon Egipciofo pau isincoin fuchimanano nai futsunifo.