Éxodo 8:9 - Sharanahua: Diospan Tsain

⁹ Asca huaiton Moisés Faraón cumani isca huaquin, —Min ua tapimatiro ahuutiamain min non min niaifo patasharinoafo non min yora futsafori un nocon Ifo Diosin mato cufinshotiroquin mato anoashu fushcofo unu Nilo muran afanan fotanon nan muran fusti inonfo, —Moisés huaiton.

Éxodo 8:9 Iomraidhean Croise

Éxodo 7:25

Ascashon nocon Ifo Diosin Egipciofoan aton unufoti chacana huani. Osha mucu fustiti non mucu naman cayanoati osha finontacai tsoan ayatiro inima.

Éxodo 8:10

—Funamari ua cufinshohuun, —ishon Faraón yoiaiton. —Mian yoia cusca un mia Ifo Diosin cufinshonon. Ascano min tapitiro tsoa futsacai nocon Ifo Diosin cuscarama.

Éxodo 8:11

Fushcofo nan maton pushu murannoashu foatian unu Nilo muran fusti itiro. Afanancai mia non min niaifo patasharinoafo non min yorafori mato fucash huaimaran, —ishon Moisés Faraón yoini.

Éxodo 8:8

Ascashon Faraón Moisés yafi Aarón cunani ato yoiquin isca huani, —Ua mato Ifo Diosi cufinshocahuun un non uhuun yorafomaquinoashu fushcofo fotanon. Man asca huano un maton caifofo nichishotiro mato Ifo Diosi cufinfain man maton inafo rutushon Diosin mato yonoa cusca ismashquin, —ishon Faraón Moisés yafi Aarón yoini.

Números 14:20

Ascaiton nocon Ifo Diosin Moisés cumani isca huaquin, —Mian yoiai cusca un ato chaca rau huashotiro.