Éxodo 8:28 - Sharanahua: Diospan Tsain

²⁸ Nannori huaiton nicaquin Faraón cumani isca huaquin, —Un mato nichitiro maton Diosi mato yonoa cusca man inafo rutunon. Ascafia chai foyamacahuun. Natianroco maton Diosi uari cufinshohuun, —huaiton.

Éxodo 8:28 Iomraidhean Croise

Éxodo 10:17

Un chaca hua cusca afanan ua rau huapun. Maton Ifo Diosi ua cufinshocahuun nan ocutsurufo noco mai anoashu fotanon non nanoma, —ishon Faraón yoini.

Éxodo 3:19

Munfin tapian un Egipcio niaifo uhuun curushu ismayamainocai mato nichicaima.

Éxodo 7:13

Faraón nan oinfiashocai nocon Ifo Diosin yoini cuscan ahuun nomuran curush huani. Ascafiacai Faraón Moisés yafi Aarón nicapainima.

Éxodo 8:15

Ascafia nocon Ifo Diosin Moisés yafi Aarón yoia cusca Faraón ato afanan paranni. Ascano Faraón oian afanan fushcofo ahuun yorafo fucash huayamaiton oinquin ahuun nomuranshon afanan shinan futsashon Moisés yafi Aarón nicacasmani.

Éxodo 8:29

—Ai. Un miqui canon mia samamashta nocon Ifo Diosi cufinshoshquin. Ascano funamari min non min niaifo patasharinoafo non min yorafomaquinoashu nan napufo foi futsui. Ascacun afanan noco parayamahuun. Min noco yoia non catiro. Ascacun nonfin nocon Ifo Diosi inafo rutushopaicai afanan noco nitu huayamahuu, —ishon Moisés Faraón yoini.

Éxodo 8:8

Ascashon Faraón Moisés yafi Aarón cunani ato yoiquin isca huani, —Ua mato Ifo Diosi cufinshocahuun un non uhuun yorafomaquinoashu fushcofo fotanon. Man asca huano un maton caifofo nichishotiro mato Ifo Diosi cufinfain man maton inafo rutushon Diosin mato yonoa cusca ismashquin, —ishon Faraón Moisés yafi Aarón yoini.

Éxodo 9:28

Ascan natian fasi nai turuicaino unu matsi tocoronunhuanfo pacui futsuainocai non afanan tunuima. Ascacun noco maton Ifo Diosin cufinshohuun nai turuicai non unu matsi tocoronunhuanfo nishma huanon. Ascacun min noco cufinshonaino un mia non min caifofo nichishoriscatiroran, —ishon Faraón Moisés yoini.

Hechos 8:24

—Ua Ifo Jesús cufishohuun min ua yoia cuscan ua Diosin onaintimanonma, —ishon Simón cumani.