Éxodo 8:19 - Sharanahua: Diospan Tsain

¹⁹ Ascano nantian nan yofufo aton niaifo Faraón ano fonifo. —Aton Diosin na shion huarasi nocoqui fuma noco omitsiscamanon, —ishon ato niaifo yoinifo. Ascafiacai Faraón ato nicapainima. Ahuun nomuran sinacoinquicain ato nicapainima. Nan Diosin Moisés yafi Aarón yoiyoni cusca man hua.

Éxodo 8:19 Iomraidhean Croise

Génesis 41:24

Nan siete fimi tsasi hua futsa ahuun fimi shara fospicoian piafo. Un mia yoia cuscan nannori uhuun yofufo un yoifiacai ua tsoan uhuun namapanhuunoa tapimatiro icama, —ishon Faraón José yoini.

Éxodo 10:23

Nantiancai tsoan ahuashta ointiroma ini. Aton pushu murannoashucai tsoanshta raqui catiro inima. Ascafiainocai Israelifo ato chaima icafoannocai faquish inima. Nan Israelifo icafoanno shafa shara ini.

Éxodo 10:7

Nannori nicacatan Egipcio niaifo patasharinoafoan aton niaifo Faraón yoinifo isca huaquin, —Niaifon, na nocofunu Moiséshuunoashu non fasi omitsiscai. ¿Min tapiamamun nantifi nocon mai man chacanai futsui? Moisés yafi ahuun caifofo nichiriscahuun aton Ifo Diosin ato yonoa cusca huafain cufinonfo, —ishon yoinifo.

Éxodo 11:7

“Ascafianocai Israelifo tsoa naima. Tsoancai ato muima. Aton inaforicai ahuuscaimaran,” ishon nocon Ifo Diosin mia yoiquin. Ascano man tapitiro nocon Ifo Diosin matohuunoa shinain cuscacai nocohuunoa shinainma. Manfin nocon Ifo nicacasmaiton maton onaintimashquiquin. Nonfin nocon Ifo Diosi nicasharamisiquin. Nanscacun maton onaintimai cuscacai noco onaintimashquima.

Éxodo 7:13

Faraón nan oinfiashocai nocon Ifo Diosin yoini cuscan ahuun nomuran curush huani. Ascafiacai Faraón Moisés yafi Aarón nicapainima.

Éxodo 7:4

Un asca huafiacai mia nicashquima. Ascaino un Faraón yafi nantifi ahuun yorafo nan Egipciofo onaintimacoinshquin omitsiscanonfo. Ascan ahuun unutaqui uhuun yorafo Israelifo manifoti un ato Egipcio mai anoshon iyoshquin.

Éxodo 7:5

Uhuun yono nan un ahuamamishti atiro cuscan un ato oinmashon shinan futsamashquin maton caifo nan Israelifo nichishquin. Ascaiton oinquin Egipciofoan tapishcani unfin Ifo Diosiquin, —ishon nocon Ifo Diosin yoini.

Éxodo 9:26

Nan Egipciofo ano ascafiainocai Israelifo icafoanno nan Gosén anocai unu matsi tocoronunhuan fustishta pacunima.

Éxodo 9:4

Ascano nocon Ifo Diosin Israelifoan aton inafo cushuanocai pau fuchicanima. Fustishtacai naimafinquin. Matona fusti nai futsushquiran,” —ishon Moisés Faraón yoini.

Daniel 2:19

Ascan cufiainfoan nan yamu niaifoan namaita cuscan nocon Ifo Diosin nan namahuunoa Daniel tapimani. Asca Daniel fasi unimacoinnaiton nocon Ifo Diosi nai muranshon yoisharani isca huaquin,

Mateo 12:28

Un Diospan Yoshin Sharahuunshon yoshin chacafo atomaquinoa potaino maton Numamisi Diosin catonni cuscan matoqui nocoa.

Lucas 11:20

Ascafia Diospan Yoshin Sharahuunshon un yoshin chacafo atomaquinoa potaiton man tapitiro maton Numamisi Diosin catonni man matoqui nocoa.

Juan 11:47

Ascaiton nicacanashufin Fariseofo yafi nocon yorafohuunshon Dios cufimisi niaifofo ichanannifoquin. Ichanancashon yoicaquifin, —¿Nonmun ahuusca huaicai? Jesús tsoan atiroma cuscara ahuarafo huaiquin.

Hechos 4:16

—¿Non ahuusca huaimun na nocofunu rafu? Nantifi Jerusalén anoafoan tapiafo na rafuhuunoashu nocofunu chato chatotiani man caya. Ascara tsoan oinyomisima. ¿Nonmun ahuusca na nocofunu rafu huaicai? Noncai futsafo fomantiroma. Cayamarancai non huatiroma.