Éxodo 8:15 - Sharanahua: Diospan Tsain

¹⁵ Ascafia nocon Ifo Diosin Moisés yafi Aarón yoia cusca Faraón ato afanan paranni. Ascano Faraón oian afanan fushcofo ahuun yorafo fucash huayamaiton oinquin ahuun nomuranshon afanan shinan futsashon Moisés yafi Aarón nicacasmani.

Éxodo 8:15 Iomraidhean Croise

Éxodo 14:5

Nan Egipciofo aton niaifo Faraón nica Israelifo man foafo afanancai tsoan nasoyamaiton nicain. Aa non Egipcio niaifo patasharinoafoanri shinannifo isca huaquin, —¡Ohuashta! ¿Ahuuscai non Israelifo nichiamun? Afanan nocon yonomatifo iishquimaran, —ishon nannori yoinifo.

Éxodo 4:21

Ascano afanan nocon Ifo Diosin Moisés yoini isca huaquin, —Minfin uhuunshon ahuamamishti huatiroquin. Ascano nan min Egipcio mai ano nocoaitian niaifo Faraón ano catahuun min uhuunshon ahuamamishti huatiro cusca ismashquin. Ascafia unfin Faraón ahuun nomuran shinanmanicai min yorafo ato nichinonma.

Éxodo 7:4

Un asca huafiacai mia nicashquima. Ascaino un Faraón yafi nantifi ahuun yorafo nan Egipciofo onaintimacoinshquin omitsiscanonfo. Ascan ahuun unutaqui uhuun yorafo Israelifo manifoti un ato Egipcio mai anoshon iyoshquin.

Éxodo 8:14

Ascano Egipciofoan fushco naafo ichanan huashon nannosi machinifo. Nantifi mai anoashu fushcofo naafo fasi pisicoin tohuuni.

Éxodo 8:16

Ascaiton nocon Ifo Diosin Moisés yoini isca huaquin, —Aarón yoihuu ahuun poquitinin mai tsacanon. Tsacaino nan mai mapo fiananriscatanaino nantifi Egipcio mai ano shion huarasi oniriscatanon, —ishon Diosin Moisés yoini.

Éxodo 8:28

Nannori huaiton nicaquin Faraón cumani isca huaquin, —Un mato nichitiro maton Diosi mato yonoa cusca man inafo rutunon. Ascafia chai foyamacahuun. Natianroco maton Diosi uari cufinshohuun, —huaiton.

Éxodo 8:29

—Ai. Un miqui canon mia samamashta nocon Ifo Diosi cufinshoshquin. Ascano funamari min non min niaifo patasharinoafo non min yorafomaquinoashu nan napufo foi futsui. Ascacun afanan noco parayamahuun. Min noco yoia non catiro. Ascacun nonfin nocon Ifo Diosi inafo rutushopaicai afanan noco nitu huayamahuu, —ishon Moisés Faraón yoini.

Éxodo 8:32

Ascafia nantian afanan Faraón fasi ahuun nomuran curushmana Ifo Diosi nicacasmai. Ascashocai afanan Israelifo nichinima.

Éxodo 8:8

Ascashon Faraón Moisés yafi Aarón cunani ato yoiquin isca huani, —Ua mato Ifo Diosi cufinshocahuun un non uhuun yorafomaquinoashu fushcofo fotanon. Man asca huano un maton caifofo nichishotiro mato Ifo Diosi cufinfain man maton inafo rutushon Diosin mato yonoa cusca ismashquin, —ishon Faraón Moisés yafi Aarón yoini.

Hebreos 3:15

Ascano un rama mato cunushona cuscan afanan mato yoi, “Upa Diosin mato yoiai cuscan fusti nicasharafafaincahuun. Maton shunifoan Upa Dios nicacasmacani aton ointi mutopaonifo. Ascacun ato cuscara iyamacahuun. Maton ointi mutoyamacahuun. Ascashu yoitimashuni iishcaquima,” ishon Diospan tsain cununi.

Apocalipsis 16:9

Farin fasi shanacoinquin yorafo coa. Coaino omitsiscafo. Man tapiamisifo Diosin ato onaintimai aton chaca shatuafoma. Dios ifoantamarocon. —Diosin noco chaca huai. Ahuun cuscaramain Diosiquin. Chacacoinran, —ishon yoiafo. —Diosifin sharaquin. Nantofin ahuamamishti huatiroquin, —ishoncai tsoan anori yoipaicanima.