Éxodo 8:12 - Sharanahua: Diospan Tsain

¹² Ascatan Moisés fu Aarón Faraón pushu anoashu fonifo. Ascano iyoconaino Moisés nocon Ifo Diosi cufini fushcofoan afanan Faraón fucash huanonma.

Éxodo 8:12 Iomraidhean Croise

Éxodo 10:18

Nannori ato yoiaiton nicatan Moisés yafi Aarón Faraón icanoashu fonifo Diosi cufinshcaquin.

Éxodo 32:11

Nannori Upa Diosin yoiaiton nicaquin Moisés cumani isca huaquin, —Uhuun Ifon, min curushhuunshon min ahuamamishti huatiro cusca na yorafo uhuun caifofo min ato Egipcio mai anoshon ihuua. Ascacun atoqui sinaquin ato cuyoyamapun.

Éxodo 8:13

Moisés nan cufiain cusca Upa Diosin nicani. Ascashon Diosin fushcofo namariscatani. Egipciofoan aton pushu murannoafo namafain ato umaintinoafori namafain aton mau anoafori namani.

Éxodo 8:30

Ascano Moisés Faraón icano cani nocon Ifo Diosi cufinshoshquin.

Éxodo 8:8

Ascashon Faraón Moisés yafi Aarón cunani ato yoiquin isca huani, —Ua mato Ifo Diosi cufinshocahuun un non uhuun yorafomaquinoashu fushcofo fotanon. Man asca huano un maton caifofo nichishotiro mato Ifo Diosi cufinfain man maton inafo rutushon Diosin mato yonoa cusca ismashquin, —ishon Faraón Moisés yafi Aarón yoini.

Éxodo 9:33

Ascaino Moisés Faraón pushu murannoashu caincaitan pushu rasi mapai caintan ahuun mucu rafu nai ari mushainacahuan nocon Ifo Dios cufini. Cufiainno nai turuica yafi unu matsi tocoronunhuanfo pacui nishmariscatani. Afanancai oin huarasi funima.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.