Éxodo 7:22 - Sharanahua: Diospan Tsain

²² Nansca huaiton oinquin Faraón ahuun yofufoanri yoshinfohuunshon nanscari huanifo. Ascashon Faraón ahuun nomuran afanan curush huani. Nocon Ifo Diosin ato yoini cusca Faraoncai Moisés yafi Aarón nicapainima.

Éxodo 7:22 Iomraidhean Croise

Génesis 41:8

Iyoconaino moishon fasi shinanpaiqui futsani. Ato yoimani yora yofufo yafi mapo sharayafo aqui funonfo. Nantifi na cuscarafo Egipcio anoafo aqui funifo. Nocoafono ahuun namapanhuunoa ato yoini. Ahuun namapan yoiai cuscacai tsoashta Faraón tapimatiro inima.

Éxodo 7:11

Nanscaiton oinquin Faraón ahuun yora nan Egipciofo aton mapo sharayafo non yofufo cunani. Aarón aca cusca nanfoannorifi aton yonohuunshon nansca huanifo. Nanfoan amisifo cuscacai aton caifo futsa tsoa atiroma.

Éxodo 7:13

Faraón nan oinfiashocai nocon Ifo Diosin yoini cuscan ahuun nomuran curush huani. Ascafiacai Faraón Moisés yafi Aarón nicapainima.

Éxodo 7:21

Ascano shiman unu Nilo murannoashu nai futsuni. Fasi pisincoincun Egipciofoan tsoan na unu ayatiroma ini. Nantifi Egipcio mai anoa nan unufoti imicoin ini.

Éxodo 7:23

Asca nicatamarocon ahuun pushu muran iquishon shinanquin isca huani, —Ua isma cusca uhuuna ahuamaran, —ishon Faraón shinanni.

2 Timoteo 3:8

Nan nocofunufo nan Janes yafi Jambres cuscarafo. Nan rafu Egipcio shointian rafu. Ascano Moisés yorafo Diosin tsain tapimapaiyai cuscan nantianri nan rafutan ato yoini isca huaquin, —Moisés mato yoiai cuscan nicayamacahuun, —ishon yoinifo. Nanscarafoan Diospan tsain iconcoin futsafo nicamapaima. Ascashon aton nomuran fasi chaca fusti shinanmisifo. Ahua cayacaficai shinantirofoma. Nocon Ifo Cristo icoinra huapaicanima. Ascashon Diosin potacoianfo.