Éxodo 6:4 - Sharanahua: Diospan Tsain

⁴ Un ato yoiyoni cusca un ato nan mai futsa ahuun anu Canaán ano un ato inanshquin. Nan mai ano Canaánfo iyopaonifiacai afocai maton shunifoan aton caifoma.

Éxodo 6:4 Iomraidhean Croise

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 15:13

Ascatan Ifo Diosin yoini, —Abram, un mia yoi min tapifain min ua icoinra huanon. Min funafo mai futsa ano iyoshcani. Nan mai futsa anoafoan aton yonomatifo iishquicani. Cuatro cientos farin ato yonomaqui fasi omitsiscamashcani.

Génesis 15:18

Nantian nocon Ifo Diosin Abram yoiyoni isca huaquin, —Na mai un min funafo inain. Unuhuan Egipto ano shatutan unu Eufrates ano atona inon.

Génesis 17:13

Ascaiton nantifi nan furonanfacufoan aton foshqui rupafo min shatunon. Nanscacun man tapitiro manmain uhuun yorafocun. Un mato onanti hua cuscan man nansca huapacunaca.

Génesis 17:4

Ascaiton afanan Diosin yoini, —Un mia yoiyotiani cuscan mani ichaparasiton aton shuniri min iishquin.

Génesis 23:4

—Nunocai uhuun maima. Unricai mato caifoma. Ascan ua mai inancahuun uhuun ahuin mai huanon, —ishon Abraham ato yoini.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 26:4

Un min funafo un ichapa cai huai. Fishifo tsoan tanan huatiroma cuscain ichapa caicani. Nanfofin na mai un ato inaincai. Un yononi cuscan huafain un tapimani cuscan Abraham ua nicacoian. Asca min funafohuunshon un manifoti shara huashoshquicain, —ishon Diosin yoini.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 28:4

Upa Diosin min shota Abraham yoiyoni cuscan mia non min funafori nannori yoiquin. Nuno non icanocai nocon maima. Diosin min shota Abraham yoiyoni cuscan nan mai futsa noco inanshquin nocona inon, —ishon Isaac furu Jacob yoini.

Génesis 6:18

Ascafia un mia yoia cuscan un mia cushusharai. Min ahuin yafi min furufo non aton ahuinfori mi fu shashohuan muran iquishcani.

Éxodo 13:4

Nocon tsainman nan oshu non anunon Abibran non huamisi. Nan shafata oshu Abib nantian non Egipcio mai anoashu caitian.

Éxodo 13:5

Nocon Ifo Diosin nocon shunifo yoiyoni isca huaquin, “Un maton mai fasi sharacoin inain. Nanno nantifin man yopai cusca man ayashquinran,” ishon nocon Ifo Diosin nocon shunifo yoiyoni. Nan mai shara ano Cananeofo non Hititafo non Amorreofo non Heveofo non Jebuseofo. Non nanno nocoaitian oshu Abibtifi non fusitiro nocon Ifo Diosin noco Egipcio mai anoshon iyoni cusca shinanshquin.

Éxodo 6:8

Nan Egipciofoan mai anoshon un mato mai futsa shara ano iyoshquin. Un maton shunifo Abraham non Isaac non Jacob yoiyoni cusca un mato nan mai shara inain matona inon. Unfin mato Ifocoinquin,” —ishon nocon Ifo Diosin yoini.

Hechos 7:5

Nuno nichifiashocai maishta inantaima. “Chipo min non min funafori un na mai inain matona inon,” ishon Upa Diosin yoiyotiani. Anori yoiai cuscacai Abraham facu yatai inima.