Éxodo 6:26 - Sharanahua: Diospan Tsain

²⁶ Ascano nocon Ifo Diosin nan rafu Aarón yafi Moisés catonni. Ascashon ato yoiquin isca huani, —Israelifo nantifi mani futsafo Egipcio mai anoshon ato iyotacahuun, —ishon Diosin ato yononi.

Éxodo 6:26 Iomraidhean Croise

Génesis 2:1

Ascano Diosin nai yafi mai non nantifi ahuamamishti onihuaquin anaitini.

Éxodo 12:17

Ascashon nan fusiti shafa man anutiro misi farashati maisiran man huatiro. Nan shafatafin maton yorafo un Egipcio mai anoshon un yoiyoni cusca un ato iyoshquicain. Ascanofin nan shafa man shinantiroquin. Maton funafoanri nan faritifi nan fusiti shafa unimayanan un mato finonmana cusca shinanpacunacafoquin.

Éxodo 12:41

Nan cuatrocientos treinta fari cuyoano nan shafatacoin Diosin ahuun yora nan Israelifo Egipciofo mai anoshon ato nichini.

Éxodo 12:51

Nan shafatafin nocon Ifo Diosin nantifi Israelifo nan manifoti Egipcio mai anoshon ato iyoniquin.

Éxodo 13:18

Ascanofin tsoa istaipama ano un ato iyoicaicain nan fai unuhuanhuuri ahuun anu oshin ano un ato iyoicairan, —ishon nocon Ifo Diosin shinanni. Nan Israelifo Egipcio mai anoashu foaifotian aton ashifo non aton piafori tsomanifo caifo futsa fu rutunanshcaquin.

Éxodo 20:2

—Unfin maton Ifo Diosiquin. Man Egipciofoan ato yonomatifo ipaoni. Ascafiano un mato Egipcio mai arishon ihuua afanan aton yonomatifo man inonma.

Éxodo 32:1

Nantianri Israelifoan shinannifo fasi Moisés manariacaquin yoinifo isca huaquin, —Noncai tapiama ahuutiamain Moisés nocoqui nasoicai. Ahuara chacaraca finoan, —icashu Israelifo yoinannifo. Ascatan Aarón ano fonifo nan shinainfo cusca yoifocani. Ascashon yoiquin isca huanifo, —Moisés noco Egipcio mai arishon ihuufiashon noco potafainna. Ascacun noco diosi futsafo noco rami huashohuun nanfoan noco mai futsa ano iyoicanon, —ishon yoinifo.

Éxodo 32:11

Nannori Upa Diosin yoiaiton nicaquin Moisés cumani isca huaquin, —Uhuun Ifon, min curushhuunshon min ahuamamishti huatiro cusca na yorafo uhuun caifofo min ato Egipcio mai anoshon ihuua. Ascacun atoqui sinaquin ato cuyoyamapun.

Éxodo 32:7

Ascashon nocon Ifo Diosin Moisés yoini isca huaquin, —Nuno machi mamaquinoashu cariscatahuun min yorafo nan min Egipcio mai anoshon ihuuafoan natian fasi chaca huacaniquin.

Éxodo 6:13

Ascano nocon Ifo Diosin Moisés yafi Aarón yononi cusca aton caifo Israelifo yafi Egipcio niaifo Faraón afanan yoinifo, —Nocon Ifo Diosin noco yonoa isca huaquin, “Maton caifo Israelifo Egipcio mai anoshon iyotacahuun,” —ishon noco yononi.

Éxodo 6:20

Ascano Amram ahuun apa ahuun chico fiini. Ahuun anu Jocabed. Aton facu nocofunu rafu Aarón yafi Moisés. Ascano Amram nantifi ahuun fari ciento treinta y siete. Ascan nanti fariyashu nani.

Éxodo 6:7

Ascacun manfin uhuun yorafo iquincain. Unfin maton Diosiquin. Ascashofin un mato Egipcio mai anoshon nichishquicain afanan mato curushcain yonononfoma. Ascacun natian man tapitiro un maton Ifo Diosin.

Éxodo 7:4

Un asca huafiacai mia nicashquima. Ascaino un Faraón yafi nantifi ahuun yorafo nan Egipciofo onaintimacoinshquin omitsiscanonfo. Ascan ahuun unutaqui uhuun yorafo Israelifo manifoti un ato Egipcio mai anoshon iyoshquin.

Josué 24:5

“Ascano un Moisés yafi Aarón atoqui nichini. Nantian un Egipciofo omitsisca huashon un mato Egipcio mai arishon ihuuni.

1 Samuel 12:6

Ascano Samuel afanan ahuun caifo Israelifo yoini isca huaquin, —Nocon Ifo Diosin Moisés yafi Aarón catonni. Atohuunshon nocon shunifo Egipcio mai anoshon ato ihuuni.

1 Samuel 12:8

Nocon shuni Jacob Egipcio mai ano iyopaoni. Ascashu chipo nocon shuni Israelifoan nocon Ifo Diosi cufinifo ato numanon. Ascano Moisés yafi Aarón nichini Egipcio mai anoashu na mai shara anoa ato ihuunon.