Éxodo 6:11 - Sharanahua: Diospan Tsain

¹¹ —Egipciofoan aton niaifo Faraón yoitahuun isca huaquin, “Uhuun caifo Israelifo min mai anoshon machi ari nichihuun,” ishon Faraón yoitahuun, —ishon Diosin Moisés yoini.

Éxodo 6:11 Iomraidhean Croise

Éxodo 3:10

Natian ato ari catahuun. Un mia Egipciofoan aton niaifo Faraonqui mia nichi uhuun yorafo nan Israelifo Egipcio mai anoshon min ato iyotanon, —ishon Diosin Moisés yoini.

Éxodo 4:22

Nantian mato nichiyamaiton afanan Faraón yoihuu isca huaquin, “Nocon Ifo Diosin mia yoi isca huaquin, ‘Israelifofin uhuun facu iyoa cuscarafoquin.

Éxodo 4:23

Un mia yonoicai uhuun facufo min mai arishon ato nichihuun ua cufinonfo. Nan ua noicoiainfoan ua nicasharai cuscan ua ismanonfo. Nannori un mia yonofiaiton mian nicacasma. Nanfofin uhuun facu cuscarafoquin. Min ato nichi casmai mia anoashu fononfoma. Ascacun chipo un min furun iyoa un namashquiran,’ ” —ishon Diosin Faraón yoini.

Éxodo 5:1

Ascatan Israeli niaifofo ato tsain yoiquin anaititan Moisés fu Aarón nan Egipcio niaifo Faraón ano tapimani focani fonifo. Ascashon Faraón ano nocotan yoiquin isca huanifo, —Niaifon, non mia tapimanon nocon Ifo Diosin mia yoipaiyai cuscan, “Uhuun yora nan Israelifo tsoa istaipama ari nichihuun. Nanno ichanancashon pifain uhuunoa yoisharanonfo,” ishon nocon Ifon Diosin mia yoiran, —ishon Moisés futan Aarón yoiaifoan.

Éxodo 5:23

Un nan min anuhuunshon niaifo Faraón yoiquin tau huaitian natianri uhuun yorafo omitsiscacani. Mian yoia cuscacai min aama. Min yora Israelifo min numamaran, —ishon Moisés nannori Upa Diosi cufini.

Éxodo 6:10

Ascaiton nocon Ifo Diosin Moisés yoini isca huaquin,

Éxodo 7:1

Ascano nocon Ifo Diosin cumani, —Ua nicahuun. Un Faraón yoipaiyai cusca min aqui cai minhuunoa un yoinon. “Moisés Diosin shafai,” Faraón mihuunoa shinanshquin. Un mia yoiai cuscan min ochi Aarón niaifo Faraón yoitiro. Aarón min yoishomisi itiro.