Éxodo 5:6 - Sharanahua: Diospan Tsain

⁶ Nan shafatari Faraón Israelifo aton niaifofo yononi isca huaquin,

Éxodo 5:6 Iomraidhean Croise

Éxodo 1:11

Nannori niaifo ato yoiaiton nicacatan Egipciofoan Israelifo yononi aton yonomatifo inon. Ascashon ato curushcain yonomanifo. Pitón mai anoa yafi Ramsés mai ano pushu rasi ato huashononfo. Nan pushu rasifo ano Egipciofoan ato tushufo mucushonifo.

Éxodo 3:7

Ascano Diosin afanan yoini isca huaquin, —Uhuun yora Israelifofin mun oianquin fasi omitsiscaifoan Egipciofoan ato curushcain yonomanai cusca fasi atsanai pashapaiyaifoan un oian. Un fasi atohuun ramapaicoian.

Éxodo 5:10

Nannori Faraón ato yoiaiton nicacatan nan niaifo patasharinoafoan Israelifo yoiquin isca huanifo, —Nocon niaifo Faraón mato yoi isca huaquin, “Noncai afanan mato shachifo inainma.

Éxodo 5:19

Ascano nantian Israeli niaifofoan shinannifo isca huaquin, —Nan niaifo Faraón noco yonoa non ladrillo ichapa oni huanon. Ascafiacai noco shachi inanma non ladrillo oni huapanan. ¡Ohua! ¿Nonmun ahuuscatiroquin? —ishon shinannifo.

Éxodo 5:7

—Afanan Israelifo shachi cuscara inanyamacahuun aton ladrillofo afin onihuanonfo. Nanfoanfin aafin shachi funatirofoquin.

Números 11:16

Nannori huaiton nicaquin nocon Ifoan cumani isca huaquin, —Min caifofo nan atohuunoa shinansharamisifo setenta niaifo patasharinoafo catonhuun. Nanfo uqui ihuuhuun. Nan pano pushu ichananti ano min ato ihuuano nanno mi fu ninonfo.

Deuteronomio 1:15

Ascan man catonni cusca un manifoti nocofunu sharafo nan mapo sharayafo non atohuunoa shinansharamisifo un ato yononi maton niaifofo inonfo mato iquinonfo. Futsafoan mil yora iquinainno futsafoan cien yora iquinainno futsafoan cincuenta yora iquinainno futsafoan mucu rafuti yora iquintiro aton niaifo iishquin.

Josué 24:1

Ascano Josué ato yoini nantifi Israeli manifoti Siquem ano ato ichanan huani. Aton niaifo patasharinoafori ichanan huani Diosi ointaifi funifo.

Josué 24:4

Ascatari un Isaac furun rafu inanni Jacob yafi Esaú. Un mai machifo ahuun anu Seir Esaú inanni. Ascafiano Jacob fu ahuun furunfo Egipcio mai ari fonifo.