Éxodo 4:22 - Sharanahua: Diospan Tsain

²² Nantian mato nichiyamaiton afanan Faraón yoihuu isca huaquin, “Nocon Ifo Diosin mia yoi isca huaquin, ‘Israelifofin uhuun facu iyoa cuscarafoquin.

Éxodo 4:22 Iomraidhean Croise

Éxodo 6:11

—Egipciofoan aton niaifo Faraón yoitahuun isca huaquin, “Uhuun caifo Israelifo min mai anoshon machi ari nichihuun,” ishon Faraón yoitahuun, —ishon Diosin Moisés yoini.

Éxodo 7:16

Yoihuu isca huaquin, “Nonfin Hebreofoquin. Nocon Ifo Diosin ua miqui nichia un mia ahuun tsain yoinon isca huaquin, ‘Uhuun yorafo nichihuun tsoa istaipama anoshon ua cufinfain uhuunoa shinansharafain un ato amapaiyai cusca anonfo. Mia yoia cuscan min nicataima’ ”

Mateo 2:15

Ascashu nanno iyopaonifo nan Herodes naitian. Ascacun Diosihuunshon inonpacoai yoimisiton cunushoni isca huaquin, “Unfin uhuun facu Egipto anoa afanan yoimanicain,” ishon yoini cuscacoin man aaquin.

Romanos 9:4

Upa Diosin ato catonni ahuun yorafo inonfo. Ato fu iyoshon ato ismapaoni ahuu cuscaramain aaquin. Ato shara huapaiyai cuscan ato yoiyoni. Ascashon ato yononi isharanonfo. Ato yosini ahuuscashomain ichananshon cufitirofoquin. Ascarifi atan ahuara sharacoin ato ashoain cuscan yoiyoni.

2 Corintios 6:18

Ascatan un maton Upa inon. Man uhuun facu nocofunufo yafi ainfofo inon,” ishon nocon Ifo Diosin yoini. Nan onihuafoti ato iquinaquin.

Hebreos 12:23

Nannori nantifi Jesús icoinra huafo afu icafo. Ascan nan Dios icari aton anufo cunupacua afu ipanonfo. Ascacufin marifi man Diosiqui oaquin. Ascan nanton yoishquin ratotomain icoinra huacoinnashu afu ipanaca iyamarai icoinra huamisimaquin. Ascashu icoinra huashuma afu ipanacama. Nan icoinra huafotisi ato a cuscara shara imai chaca huamisima cuscara inonfo.

Santiago 1:18

Upa Diosin noco catonni ahuun tsain iconcoinhuunshon noco cainma futsa a cuscara shara non inon. Nonfin Jesús icoinra huaquin tau huaniquin. Ascashu Diosin nantifi onihuanifotihuunoashu non ahuun facu iyoa cuscara.