Éxodo 4:21 - Sharanahua: Diospan Tsain

²¹ Ascano afanan nocon Ifo Diosin Moisés yoini isca huaquin, —Minfin uhuunshon ahuamamishti huatiroquin. Ascano nan min Egipcio mai ano nocoaitian niaifo Faraón ano catahuun min uhuunshon ahuamamishti huatiro cusca ismashquin. Ascafia unfin Faraón ahuun nomuran shinanmanicai min yorafo ato nichinonma.

Éxodo 4:21 Iomraidhean Croise

Génesis 6:3

Ascafia nocon Ifo Dios yoiqui isca huani, —Un yorafo oiancai sharama. Ascacucai un ato afanan chai nimapacunacama. Uhuun Yoshin Sharapan ato shinanmasharapaifiaino chaca huariacani. Ascacuncai un ato chai nimapacunacama. Ciento veinte fari fustiton nitirofoquin, —ishon Dios yoini.

Éxodo 10:1

Ascano nocon Ifo Diosin Moisés yoini isca huaquin, —Unfin Faraón yafi ahuun niaifo patasharinoafo un aton nomuran curushmanicai un ahuamamishti huatiro cusca nantifi yorafoan oinonfo. Ascashon min non min caifofoanri un ahuamamishti huatiro oinquin maton facufo non mato funafori man ato tapimatiro. Min nantifi yoitiro un Egipciofo onaintimaiton minrifi oinquin min tapicointiro unmain maton Ifo Diosincufin. Ascacun un Faraón yoipaiyai cusca min ua yoishotiro. Faraón ano catahuun yoishquin, —ishon nocon Ifo Diosin Moisés yoini.

Éxodo 10:20

Ascaiton afanan nocon Ifo Diosin Faraón ahuun nomuran curush huamani Israelifo nichinonma.

Éxodo 10:27

Ascafia nocon Ifo Diosin yononi cusca Faraón ahuun nomuran curushmainocai Israelifo afanan nichinima.

Éxodo 11:10

Nocon Ifo Diosin ahuun curushhuunshon Moisés futan Aarón ahuamamishti Faraón ointaifi huanifo. Ascafia Diosihuunshon Faraón ahuun nomuran curush huaino Moisés icoinra huanima. Ascashocai Israelifo Egipto mai anoshon nichipainima.

Éxodo 11:9

Moisés Faraonmaquinoashu cataima nocon Ifo Diosin yoini isca huaquin, —Faraoncai mia nicashquima. Ascacun uhuun curushhuunshon un ahuamamishti huatiro cusca nantifi Egipcio anoafoan oinshquicaniran, —ishon nocon Ifo Diosin Moisés yoini.

Éxodo 14:17

Unfin Egipciofoan aton nomuran shinanchacamanicai mato mufainonfo. Nan aton niaifo Faraón non ahuun ranushumuafo non aton taramutifoya non aton caballofo non caballo camaqui camisifori un ahuamamishti huatiro cusca un ato ismai un ahuamamishti huatiro nantififain uhuunoa tapinonfo.

Éxodo 14:4

Ascano un afanan Faraón ahuun nomuran curush huamai cusca afanan min caifohuunoa shinanchacai. Matohuunoa nannori shinanquin ahuun ranushumuafoyashon mato mufaini focani mato afanan achishcaquin. Ascafia un acai cusca nantifi yorafoan tapitirofo tsoa futsacai ua cuscara sharama. Ascashon tapitirofo un ahuamamishti huatiro. Nanscacufin Egipciofoan tapicaniquin unfin Ifo Diosiquin, —ishon nocon Ifo Diosin yoini. Nan nocon Ifo Diosin ato yononi cusca Israelifoan huanifo.

Éxodo 14:8

Nan Israelifocai tsoashta ratunima Egipcio mai anoashu foaifotian. Nocon Ifo Diosin Egipciofoan aton niaifo Faraón ahuun nomuran curush huamani Israelifo mufaitan ato achinon.

Éxodo 3:19

Munfin tapian un Egipcio niaifo uhuun curushu ismayamainocai mato nichicaima.

Éxodo 3:20

Nan un ahuamamishti huai cuscan un ato oinmashquicai. Ascaiton oin uhuunnoashu nan aa non ahuun yorafo omitsiscaifo cuscan. Un ahuun caifofo namashquiai cusca oinquin aton niaifoan mato nichishquin.

Éxodo 7:13

Faraón nan oinfiashocai nocon Ifo Diosin yoini cuscan ahuun nomuran curush huani. Ascafiacai Faraón Moisés yafi Aarón nicapainima.

Éxodo 7:3

Nannori min yoiquin huafiacai Faraón mia nicapaima. Un Faraón ahuun nomuran curush huamai min yorafo nichinonma. Ato nichicasmaino uhuun yono ahuun mai Egipcio ano un ismai. Nantifi ahuun yorafoyashon ointiro un ahuamamishti huatiro cuscan.

Éxodo 8:11

Fushcofo nan maton pushu murannoashu foatian unu Nilo muran fusti itiro. Afanancai mia non min niaifo patasharinoafo non min yorafori mato fucash huaimaran, —ishon Moisés Faraón yoini.

Éxodo 8:15

Ascafia nocon Ifo Diosin Moisés yafi Aarón yoia cusca Faraón ato afanan paranni. Ascano Faraón oian afanan fushcofo ahuun yorafo fucash huayamaiton oinquin ahuun nomuranshon afanan shinan futsashon Moisés yafi Aarón nicacasmani.

Éxodo 8:32

Ascafia nantian afanan Faraón fasi ahuun nomuran curushmana Ifo Diosi nicacasmai. Ascashocai afanan Israelifo nichinima.

Éxodo 9:12

Ascano nocon Ifo Diosin Faraón ahuun nomuran curush huani Moisés yafi Aaróncai nicapainima. Nannori Diosin Moisés tapimayoni.

Éxodo 9:35

Nocon Ifo Diosin Moiséshuunshon yoiyoni cusca Faraón ahuun nomuranshon curush huani Israelifo nichipainima nanfoan nocon Ifo Diosi cufinonfo.

Juan 12:40

“Icoinra huayamaifoan Upa Diosin fusho ointsa ato imapacushquin. Diosin tsain iconcoin oinfiacashon icoinra huaiyamaifoan Diosin aton shinantimahuatani shinansharanonfoma. Diosin tsain oinfiacaquin oianma shinantsacani. Nicafiacanashon shinansharatirofoma tapishcaquin. ‘Muafo aton chaca shatucasmacani uqui funonfo un ato cainmasharanon,’ ishon Diosin yoini.” Nannori Jesushuunoa Isaías inaca cuscan cunushoni.

Romanos 1:28

Ascatari Upa Dios onanpainifoma amaqui inifo. Ascacurifi arifi ato potani aton nomuran afiranan shinanpaiyaifo cuscan chaca huan tananonfo.

Romanos 9:18

Ascacun non tapitiro Upa Diosin futsa ahuun ramapaiyaihuunri ramapaitiroquin. Nanscarifi aquin futsan chaca huafafaina cuscan shatuamashu ointi mutocoin imatiro.

2 Corintios 2:16

Ascashon icoinra huamafoan noco nicaquin yoitirofo isca huaquin, —¡Ohuashta! Nan na tsainmun iconcati non omitsiscapanacafo muran catiro, —ishon shinancani. Ascafia nan icoinra huafoan noco nicaquin yoitirofo isca huaquin, —¡Aicho! Noco yoiaifo cuscan non icoinra huashu non Upa Dios fu nipatiroran, —ishon shinancani. ¿Ascacun tsoan Diospan tsain Jesushuunoa futsafo yoisharatiromun?

1 Pedro 2:8

Afanan Diosin tsain yoini cuscan huafain un maton yoi isca huaquin, “Toquiri uhuapa fai namancaia racafiano oinsharatamacai otisicaini non pacutiro. Nanscarifi aqui tsoan nocon Ifo Jesús icoinra huacoianshma pacui cafiscashu funotiro Upa Dios icari nocopaifiai omitsiscapanacafo muran focaniran,” ishon Diospan yoini. Diosin yonofiani Cristohuunoa nicacasmafain yoitimashu funopacunacafo. Nannori Diospan tsain yoiyoni.