Éxodo 4:18 - Sharanahua: Diospan Tsain

¹⁸ Ascano Moisés afanan ahuun raisi Jetro ahuun pushu ano nasoni. Ascashon ahuun raisi yoiquin isca huani, —Anifon, un Egipto ano capaicai. Ua nichipun. Uhuun caifo un afanan ointanon atirifimain man naafoquin, —ishon Moisés yoiaiton. —Shara. Minfin catiroquin. Casharatahuun. Min atoqui noco sharapainonran, —ishon ahuun raisi Jetro cumani.

Éxodo 4:18 Iomraidhean Croise

Génesis 45:3

Ascatan José ahuun yorafo yoini isca huaquin, —Unfin Joséquin. ¿Uhuun upa afin niamun? —ishon ato yocaino ahuun yorafo nicain fasi ratucoincani tsoa puusinima.

Éxodo 2:21

Ascashon Reuel Moisés yoini, —Uhuun pushu muran iquiyohuu, —ishon yoini. Ascano Moisés Reuel pushu ano a fu ini. Ascano chipo Reuel Moisés yoini, —Uhuun facu un mia fiimanon, —ishon Reuel Moisés yoini. Ascashon ainfacu Séfora fiimani Moisés ahuun ahuin inon.

Éxodo 3:1

Ascano nantian Moisés ahuun raisi Jetro ahuun caifohuunshon Diosi cufinmisiton ahuun chashoanfo cushushopaoni. Fasi chaicoincushon tsoa istaipama ano ahuun raisin chashoanfo iyoni. Nanno machi cuyacoin Diospan ahuun machiran ishon anumisifo. Ahuun anu futsari Horeb huanifo.

Lucas 7:50

Ascashon Jesús afanan ainfo yoiqui isca huani, —Mian icoinra huaitofin un mia numaquin. Caasharatahuun, —ishon Jesús yoini.

Hechos 15:36

Ascaifoan chipo, —Icoinra huafo pushurasi futsa anoafo non oin canon. Non ato nocon Ifoan tsain yoini. Man natian tanasharafomainquin non oin canon, —ishon Pablonun Bernabé yoini.

Hechos 16:36

Ranushumuaton Pablo yoini, —Niaifofoan yonoa natian man casharatiroran, —ishon ato yoini.

1 Timoteo 6:1

Ascan tsain futsa afanan un mia tapimanon. Nan yonomati Jesús icoinra huafoan aton ifo yonosharashofain ato nicasharacoinon. Asca huaifoan oinquicai icoinra huamafoan atohuunshon Diosqui shinanchacatirofoma. Ascashon non Jesushuunoa yosimisi cuscan shinanchacanonfoma.

1 Samuel 1:17

Ascaiton Elí cumani isca huaquin, —Ascacun afanan shinanchacayamahuu. Min Israelifoan Diosi cufian cuscan mia ashopainonran, —ishon Elí yoini.