Éxodo 4:14 - Sharanahua: Diospan Tsain

¹⁴ Nannori cumaiton nicain nocon Ifo Diosin Moisésqui sinataquin yoini isca huaquin, —Nan min ochi Aarón mia cuscara arifi Levitafo. Nantoncaifin tsain yoisharatiroquin. Natian man mia oinyoi. Miqui nocoaitian fasi unimacoinni mia oiainno.

Éxodo 4:14 Iomraidhean Croise

Éxodo 4:13

Ascatan afanan Moisés cumani isca huaquin, —Ifon, yora futsa nichipun nan min yoiai cuscan mia ashonon, —huaiton.

Éxodo 4:17

Natian min poquitiya catahuun un mia yonoai cusca huaquin min poquitihuunshon min ahuamamishti yoran atiroma cusca huaquin min yorafo ismashquiran, —ishon nocon Ifon Diosin Moisés yoini.

Éxodo 4:27

Ascano nantianri nocon Ifo Diosin Aarón yoini isca huaquin, —Min ushto Moisés tsoa istaipama miqui oiquin aqui nocotahuun, —ishon Diosin Aarón yononi. Ascano nan machi anumisifo Diosin ahuun machiran, huamisifoanno. Nanno Moisésqui Aarón noconi. Nocotan fasi chipocuquin unimacoinquin ahuun tamoqui tsoani.

Números 12:2

—¿Nocon Ifo Diosicai Moisés fustihuunshon ahuun tsain futsafo yoiamun? ¡Ma! Nocohuunshonri ahuun tsain futsafo yoimisiran, —ishon María futan Aarón Moisésqui tsain chaca huanifo. Nan yoiti huaifo cusca nocon Ifo Diosin nicani.

Hechos 15:28

Diospan Yoshin Shara shinan cuscan norifi nannori non shinan. Nanfohuunoa non mato cunushona. Man ahuara futsa yopaima isharashquin. Nan fusti man yopai.

2 Corintios 2:13

Ascafia no futan Jesús icoinra huaa noco yora Titocai anoa un fuchinima. Fuchiyamashu uhuun ointi un unimanima. Ascashon un fasi shinanni. Ascatan, —Mun cairan, —ishon Troas anoa icoinra huafo un ato yoita oi Macedonia ano un noconi.

Filipenses 2:21

Nantififain afin apaiaifo cuscan fusti shinanmisifo. Jesucristo ato yonomapaiyai cuscacai shinanmisifoma.

Josué 24:5

“Ascano un Moisés yafi Aarón atoqui nichini. Nantian un Egipciofo omitsisca huashon un mato Egipcio mai arishon ihuuni.

1 Samuel 12:8

Nocon shuni Jacob Egipcio mai ano iyopaoni. Ascashu chipo nocon shuni Israelifoan nocon Ifo Diosi cufinifo ato numanon. Ascano Moisés yafi Aarón nichini Egipcio mai anoashu na mai shara anoa ato ihuunon.

1 Samuel 2:27

Nantian nan nocofunun nocon Ifo Diosi tanasharacoian Elíqui nocoshon yoini isca huaquin, —Nocon Ifo Diosin mia yoia isca huaquin, “Min shunifo Egipcio ano aton yonomatifo icaitian un ato uhuunoa tapimani.