Éxodo 34:9 - Sharanahua: Diospan Tsain

⁹ Ascashon Moisés yoini isca huaquin, —Uhuun Ifon, min uqui unimacoinmainquin no fu capun. Nan uhuun caifoan mia nicacasmafain aton chaca shatucasmafain non mia nicacasmafia noco rauhuafain non mia chaca hua cuscari noco rau huapun. Min yoracoinfo noco imapun, —ishon Moisés nocon Ifo Diosi nannori yoini.

Éxodo 34:9 Iomraidhean Croise

Éxodo 19:5

Un mato yonoa cusca man nicasharafain un mato yoiyoni cusca man nicacoiainton un mato cushushara. Un mato cushusharai cuscacai un mani futsafo huashquima. Manfin uhuun yoracoinfo ishquicain. Unmain mato cushusharaiton. Un matohuun fasi noi. Nantifi mai uhuunafiashu marifi man uhuun yorafo ishquin. Nantifi min yorafoan uhuun tsain mani futsafo tapimafain uhuun ato cufinshomisifo man itiro. Un mia yoia cusca min caifo tapimahuun, —ishon nocon Ifo Diosin Moisés yononi.

Éxodo 32:9

Munfin oianquin na yorafo fasi yoitimacoinfo. Un ato yonoa cusca nicacasmamisifo.

Éxodo 33:12

Ascatan chipo Moisés nocon Ifo Diosi yoini isca huaquin, —Min ua yoimisi uhuun yorafo nan mai shara min noco yoiyoni min noco inainno ato iyotahuun ishon min ua yoimisi. Nannori min ua yoimisifiashocai ratofomun min uaya nichicain miancai yoimisima. Min ua onancoian uhuun anuhuunshon min ua cunamisi. Ascashon mian yoimisi isca huaquin, “Minfin ua tanasharamisiquin. Un miqui fasi unimairan,” ishon mian yoimisi.

Éxodo 34:7

Unfin yorahuan rasi ato ismamisiquin un ato noiai cuscacai unupacunacama. Nan yorafoan chaca futsa futsatapafo huafain un ato yonoa cusca ua nicacasmamisifofia un ato rauhuashocai afanan aton chaca un shinainma. Un ato rauhuafia aton chaca shatuyamaifoan un ato onaintimai. Ua chaca huaifoan unfin atohuunshon aton facufo non aton chatafo non aton shotafo yafi ahuun facufori un ato onaintimairan, —ishon nocon Ifo Diosin Moisés yoini.

Números 14:19

Min yorafohuun noiyai cuscacai tsoa futsafohuun noi ascamisima. Uhuun yorafo Egipcio mai anoashu caitian nantianri mia chaca huamisifofia min aton chaca rau hua afanan aton chacahuunoa shinanonma. Ascacun afanan natianri ato chaca rau huashopun, Ifon, —ishon Moisés yoini.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Deuteronomio 4:20

Ascan manfin Egipcio mai anoashu fasi omitsiscaiton nocon Ifo Diosin mato numaniquin ahuun yorafo man icain ahuuna man inon. Icon natian man ahuun yorafo ahuuna man man ica.