Éxodo 34:7 - Sharanahua: Diospan Tsain

⁷ Unfin yorahuan rasi ato ismamisiquin un ato noiai cuscacai unupacunacama. Nan yorafoan chaca futsa futsatapafo huafain un ato yonoa cusca ua nicacasmamisifofia un ato rauhuashocai afanan aton chaca un shinainma. Un ato rauhuafia aton chaca shatuyamaifoan un ato onaintimai. Ua chaca huaifoan unfin atohuunshon aton facufo non aton chatafo non aton shotafo yafi ahuun facufori un ato onaintimairan, —ishon nocon Ifo Diosin Moisés yoini.

Éxodo 34:7 Iomraidhean Croise

Génesis 19:16

Ascashon yoifiafocai Lot cariscayamaiton nan rafutan Lot yafi ahuin non ainfacu rafu mutsofainifo ato pushu rasi anoshon ato ichoquini. Diosin atohuun ramapaiquin ato cushusharani.

Salmos 103:3

Un chaca hua cuscan nantifi Diosin ua rau hua afanan afohuunoa shinanonma. Un pau futsa futsatapafo fuchia cuscan nantifi Diosin ua caya huamisi.

Salmos 130:4

Ascafia mincai ascarama. Min noco rau huai non mia chaca hua cusca afanan min shinainma. Ascan non mihuunoa shinansharacoin. Tsoa futsa mia cuscarama. ¡Aicho, Ifon!

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

Éxodo 33:19

Nannori cufiainton nicaquin nocon Ifo Diosin Moisés cumani, —Un fasi sharacoinshon un mia finonmani. Un mia finonmanaitian uhuun anu un mia yoi. Nan un ato catoanfofin un ato shinaincai. Ascashon un ato shara huatiro. Nanscarifiaquin nan un atohuun ramapaiyaifin un atohuun ramapaitiroquin.

Éxodo 34:9

Ascashon Moisés yoini isca huaquin, —Uhuun Ifon, min uqui unimacoinmainquin no fu capun. Nan uhuun caifoan mia nicacasmafain aton chaca shatucasmafain non mia nicacasmafia noco rauhuafain non mia chaca hua cuscari noco rau huapun. Min yoracoinfo noco imapun, —ishon Moisés nocon Ifo Diosi nannori yoini.

Daniel 9:4

Un uhuun Ifo Diosi cufinquin non chaca huai cuscan un yoia isca huaquin, —Uhuun Ifon, min nocon Diosin. Minfin nantifi finoncoianquin. Min ahuara huatiro cuscacai atirififain tsoan oinyomisima. Min ahuamamishti huatiro. Non mia noicoiaiton min noco yonoa cuscan non aiton min noco yoiyoni ahuara sharafo huashoshquin.

Daniel 9:9

Non yoitimacoinshon non mia cachiquiri huaa. Ascafia min nocohuun ramapaitan min nocon chaca rau huashotiro.

Mateo 12:31

Ascano un mato icon yoiquin. Ratoran ahuara chaca huai Diosquiri Upa Diosin rau huashotiro. Ascanfia ratoranton yoia isca huaquin, “Nanton aca cuscan Satanashuunshon acaran,” huafiashu Diospan Yoshin Sharahuunshon aca. Nanton Diospan Yoshin Sharahuunoa tsain chaca huaa. Asca huacun Upa Diosin ahuun chaca rau huanacama. Ahuun chaca ahuun nuupacunaca.

Mateo 6:12

Nan noco chaca huaifoan non ato rauhua cuscan huafain nocon chacafori noco rauhuashohuun, Upan.

Lucas 7:42

Ascafia nan rafutan nan nifian cuscan nasopaifiacai tsoa puiya inima. Ascacun nan ato pui inanyomisiton ato yoisharani afanan tsoan a nifinonma. Ascan nan rato futsacaimun fasi ahuun noiqui finacaiquin, —ishon Jesús yocaiton.

Lucas 7:48

Ascashon ainfo Jesús yoini, —Natian mun mia chaca rau huashoanran, —huani.

Hechos 13:38

Ascacufin uhuun yoramishtichin, un mato tapimapai Jesushuunshon Upa Diosin nocon chaca soashotiro noco rau huanon. Nan mato yoi. Moisés noco yononi cuscacai nocon chaca soatiroma. Ascafiashu tsoan Jesús icoinra huaiton Upa Diosin ahuun chaca soashotiro.

Hechos 5:31

“Ua cuscara onihuafoti iquihuun aton Ifo inon,” ishon Apa Diosin Jesús yoini. Ascano Israelifo nocon Numamisi inon non chaca shatunon a ifo huashquin nocon chaca noco soashonon.

Efesios 1:7

Jesús noco nashoni ahuun imi foyanan. Ascan nantorifi nocon chaca soashonano ahuunshon Upa Diosin noco rau huatiro non afu ipanon. Ascacun non tapitiro Upa Diosin fasi nocohuun ramapaicain noco shinanquin finacoinmisi.

Efesios 4:32

Ascatamarocon mafin ranan noinancahuun. Nantifihuun ramapaicahuun. Upa Diosin Cristohuunshon mato rauhua cuscan huafain nanscarifiai rau huatanancahuun.

Hebreos 12:29

Ascan man man tapiari nocon Diosin nan chi urumanhuan cuscara. Ascan tsoan ahuun tsain shara cachiquiri huacoincun Diosin ato chi urumanhuan muran potashquin amurannoashu omitsiscapanonfo.

Josué 24:19

Ascaiton Josué ato cumani isca huaquin, —Mancai nocon Ifo Diosin ahuun oinmatifo itiroma. Mato yonoai cuscan man atiroma. Aafin shara fustiquin. Ahua chacacai a fu itiroma. Arus fustifin maton ifo ipaiquin. Man ahuara futsafo ifoaino matoqui sinatiro. Mato yonoai cuscan man huayamaino man aqui chaca huaitoncai mato rau huashquima.

1 Juan 1:9

Ascatamarocon nocon chaca non yoiaiton Upa Diosin yoini cuscan noco rau huatiro. Non chaca huamisi cuscan afanan Upa Diosin shinantiroma Furumun noco nashoni nocon chaca soashoshquin. Upa Diosin sharacoinshon noco yoini cuscan nanscacoin huai. Nantifi nocon chaca noco soashotiro non chaca huamisima cuscara non inon.

Apocalipsis 20:15

Ascan nan libro ahuun anu nipamisi. Tsoa ahuun anu nan libro muran Upa Diosin cunumisima nanfo chi urumanhuan muran pota.

Apocalipsis 21:8

Ascan ratoran futsan ratutan cohuuqui uhuunoashu omitsiscapayamacun ua cachiquiri huashquin uhuun tsain icoinra huayamafain chacacoin futsa futsatapafo shatucasmafain rutumitsamisi icain aton ahuinma chotamisi icain ainfofoanri aton funumafo chotamamisi icain shointi nan yoshin chacafo fu tsainmisi icain Uacai noitamarocon ahuara futsan finaquin noicoiain icain ascarafo yafi nantifi chanimisifori ufu ipatamarocon chi urumanhuan muran nan omitsispacunacafo muran ipashcani. Anoashucai fonacafoma, —ishon Upan Dios ua yoia.