Éxodo 34:6 - Sharanahua: Diospan Tsain

⁶ Diosin Moisés finonfoanquin yoini isca huaquin, —Unfin mato Ifoquin. Un matohuun ramapaicain un mato shara huamisi. Uncai matoqui funa sinatiroma. Un mato noia cuscacai un unupacunacama. Nan un mato yoiai cuscafin un nanscacoinmisiquin. Uncai mato parapacunacama.

Éxodo 34:6 Iomraidhean Croise

Génesis 24:27

Cufinquin isca huani, —Aicho, uhuun Ifo Diosin, min fasi shara. Min uhuun ifo Abraham yoimisi cuscan aa. Min ahuun ramapai. Mianri cushushara. Min nuno ua ihuua uhuun ifo Abraham ahuun yorafo un oinon, —ishon cufinni.

Salmos 145:8

Nocon Ifo Diosin noco shara huashomisi. Nocohuun ramapaicain nocoquicai funa sinamisima. Fasi nocohuun noicoin.

Salmos 57:10

Futsafoan noco noitirofia mincaifin nocohuun noiquin finacaiaquin. Min noco yoimisi cuscan min noco ashomisicoin. Mincai noco ointiaquimamisima.

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Salmos 91:4

Tacaranun ahuun facufo ahuun putao nonanmanri cushua cuscan nocori nocon Ifoan cushua ahua chaca nocoqui nocononma. Non afu rafuashucai non ahuara chacaquin ratuima. Nococai raqui potayamafain noco cushua ahuara chacacai nocoqui nocotiroma noco chaca huamashquin.

Éxodo 20:5

Nanscarafoquin ratoconun mai chachishon cufinyamacahuun. Uncaifin maton Diosiquin. Urus fustifin un maton Ifoquin. Manfin uhuun yorafoquin. Ahuara futsacai u fu maton diosi itiroma. Man futsa Ifohuapaiyaino man uhuun nomuran ua isinmatiro. Uncai ascarafohuunoa tapipaima. Man futsa ifohuaiton un mato onaintimatiro. Tsoan ua noicasmai aa non ahuun facufo non ahuun chata yafi ahuun shotafo non aton facufori un ato onaintimatiro.

Éxodo 33:19

Nannori cufiainton nicaquin nocon Ifo Diosin Moisés cumani, —Un fasi sharacoinshon un mia finonmani. Un mia finonmanaitian uhuun anu un mia yoi. Nan un ato catoanfofin un ato shinaincai. Ascashon un ato shara huatiro. Nanscarifiaquin nan un atohuun ramapaiyaifin un atohuun ramapaitiroquin.

Números 12:8

Unfin a fu tsainmisiquin uncai ahuara futsahuunoa yoitamarocon un ahuun ointaifin shafacaficoin yoimisi. Unfin Moisés ismamisiquin unmain ahuu cuscaraquin. Nanton ua oinmisi. ¿Ascacun ahuuscai man uqui ratuamamun nan uhuun oinmati Moiséshuunoa tsain chaca huai? —ishon ato Upa Diosin yoini.

Juan 1:17

Upa Diosin noco yonopaiyai cuscan Moisés nocon shunifo yoiniquin. Ascaiton ahuunshon norifi non tapitiroquin. Moisés nanfo noco tapimafiaino Jesucristo nocoqui oni nocohuun ramapaicain aafin iconmisicoinquin noco ismapaoni.

Romanos 2:4

Upa Diosin matohuun noiquicai mato funa ahuusca huarima. Man chaca huafiaiton mato shara huafafaini. Mato funa onaintimaima. ¿Man tapiamamun matohuun ramapaiquin maton chaca shatumapai man tanasharanon? ¿Nanfohuunoamun man shinanpaimacai? ¿Diosiqui man ointi mutoimun?

Deuteronomio 4:31

Man nanscaiton nocon Ifo Diosin matohuun ramapaicain mato potaima. Maton shunifo yoiyoni cusca mato potapacunacama. Nancai mato ointiaquimapacunacama.

Santiago 5:11

Man man tapia nanfoan omitsiscafiacaquin funatama tunucoinpaonifo. Nanscarafofin unimatirofoquin ishon non yoimisi. Nocon shuni Jobhuunoa man man nicamisi. Fasi omitsiscafiaquin nocon Ifon icoinra huacoinni. Ahuun tsaincai cachiquiri huanima. Ahuun unutaqui Upa Diosin fasi shara huashoni nan funoni cuscan afanan inancoinni. Ascan non tapitiro nocon Ifon nocohuun ramapaicain nocohuun noicoin.