Éxodo 34:5 - Sharanahua: Diospan Tsain

⁵ Ascano nocon Ifo Diosin nan coinmanhuan muran Moisésqui fotoaitian ahuun anu yoini. —Uhuun anufin mato Ifoquin, —ishon yoini. Nan nocon Ifo Diosin icano Moisés a fu nia ini.

Éxodo 34:5 Iomraidhean Croise

Éxodo 19:18

Diosin chiihuan muran atoqui fotoni. Ascano coinmanhuanun nan machi Sinaí fuponi. Nan mau coai ointsacoin coinmanhuancoin ini. Nantifi nan machi fasi nayanaiyaini.

Éxodo 19:9

Ascashon afanan nocon Ifo Diosin Moisés yoini isca huaquin, —Un matoqui nai coin cushtocoin muran oshquin un mia yoiai cusca min caifofo nicashon mia icoinra huapanonfo, —ishon nocon Ifo Diosin Moisés yoini. Ascan ahuun yorafo yoiafo cusca Moisés ahuun Ifo Diosi yoini.

Éxodo 33:19

Nannori cufiainton nicaquin nocon Ifo Diosin Moisés cumani, —Un fasi sharacoinshon un mia finonmani. Un mia finonmanaitian uhuun anu un mia yoi. Nan un ato catoanfofin un ato shinaincai. Ascashon un ato shara huatiro. Nanscarifiaquin nan un atohuun ramapaiyaifin un atohuun ramapaitiroquin.

Éxodo 33:9

Nan iquicaitan Moisés nocon Ifo Diosi fu tsaincaino nai coinmanhuan nan caincaiti ano amanaonri manipacufoantan nituni.

Números 11:17

Ascano un matoqui fotoshquin mato yoishquin. Nan Uhuun Yoshin Shara mi fu imisi cusca huaquin un ato furi uhuun Yoshin Shara rafumani. Ascano nanfoan mi futan min yorafo ashoshquin mincai afanan mirus fusti ato yonoima.

Números 11:25

Ascatan nocon Ifo Diosin nai coinmanhuan muran fotoni. Ascashon Moisés yoiaitian nan Diosin ahuun Yoshin Shara Moisés ya rafumamisi cusca huaquiri nan setenta niaifo patasharinoafo ahuun Yoshin Shara ato ya rafumani. Ascano nantifi nan setenta niaifo patasharinoafoan Diospan Yoshin Shara aton nomuran ato shinanmana cusca yoinifo. Nanscara yoiquin fusti huanifo.

Números 12:5

Nantianri nocon Ifo Diosin nai coinmanhuan muran atoqui fotoni. Nan ichananti pano pushu caincaiti ano nia ini. Ascashon, —Aarón yafi María nuno fucahuun, —ato huani. Ascano nan rafu aqui funifo ahuun ointaifin nitishonifo.

Números 14:17

Ascacun natian ato ismahuu min ahuamamishti huatiro. Min yoimisi cusca huahuun.

1 Samuel 3:18

Nannori Elí huaiton nicaquin nan nocon Ifo Diosin yoia cuscan Samuel nantifi Elí tapimani. Ahuashtacai fomannima. Nan yoiaiton nicaquin Elí yoini isca huaquin, —Naanfin nocon Ifoquin. Nan shinan cuscafin sharaquin. Nantofin nan apaiyai cuscan huatiroquin, —ishon Elí Samuel yoini.