Éxodo 34:30 - Sharanahua: Diospan Tsain

³⁰ Ascano Aarón yafi Israelifo icano Moisés nocoaiton oianfo ahuun fuso fasi chashacoiaiton oincani fasi aqui ratucoinnifo. Moisés chaimacai Israelifo aqui funifoma fasi ratucani.

Éxodo 34:30 Iomraidhean Croise

Éxodo 34:31

Ascatan Moisés Israelifo ato cunani, —Uqui fucahuun un mato yoinon, —ishon ato cunaino aqui fonifo.

Números 12:8

Unfin a fu tsainmisiquin uncai ahuara futsahuunoa yoitamarocon un ahuun ointaifin shafacaficoin yoimisi. Unfin Moisés ismamisiquin unmain ahuu cuscaraquin. Nanton ua oinmisi. ¿Ascacun ahuuscai man uqui ratuamamun nan uhuun oinmati Moiséshuunoa tsain chaca huai? —ishon ato Upa Diosin yoini.

Marcos 9:15

Ascano yorafoan Jesús fuchishon, —¡Oincapon! Jesús afanan oi. Tsoa futsacai a cuscarama. Ahuamamishti huatiroran, —icashu yoinannifo. Yoitan aqui ichonifo.

Lucas 5:8

Nan Simón Pedro futan nushumisi rafu Santiago yafi Juan Zebedeo facu rafu inifo. Nan rafu non fustifain nushumisicoinfo. Ascaiton ato futan nushumisi futsafoanri shasho rafu fospicoian oincani mustairicatan yoinifo. —¡Oincapon! ¿Ahuuscashomun shiman ichaparasi fiafoquin? —icashu atoqui yoinannifo. Ascaiton oin Pedronun shasho naquishon Jesús ratoconun mai chachishon yoini, —¡Ohua! Ifon ufin nocofunu chacaquin. Asca minfin sharacoinquin. Chaca yafi sharacai ositiroma. Ascacun umaquinoashu catapun, —Pedronun huaiton. Jesús cumaquin, —Ratuyamahuu. Min shafatifi nushumisifiashon natian min uhuun Yoshin Sharahuunshon uqui yorafo ihuushqui ua icoinra huanonfo, —ishon Jesús Pedro yoini.

2 Corintios 3:7

Shinancapon. Upa Diosin nocon caifo Israelifo ato yonopaiyai cuscan toquiri sapaqui ato cunushoni. Ato yononi cuscan nicayamacanashu natirofo omitsiscapashcaquin. Upa Diosin ato yononi cuscan Moisés ato yoiaino Diosinhuunoashu ahuun fuso fasi chashaqui nocon shuni Israelifo ointima huani. Chashafiashu funainquimashta nishmapacuni. Ascatan Upa Diosin Moisés yononi cuscan fasi sharashtacoinfiashu natianfin ahuun Yoshin Sharapan noco yonoai cuscan fasi finacaia ahuun yono sharashtacoin man noco ismaquin.