Éxodo 33:9 - Sharanahua: Diospan Tsain

⁹ Nan iquicaitan Moisés nocon Ifo Diosi fu tsaincaino nai coinmanhuan nan caincaiti ano amanaonri manipacufoantan nituni.

Éxodo 33:9 Iomraidhean Croise

Génesis 17:22

Ascano Abraham fu tsainquin unutan Diosin Abrahammaquinoashu cani.

Génesis 18:33

Ascashu ahuun tsain unutan nocon Ifo Diosin Abrahammaquinoashu cani. Ascano Abraham ahuun pushu ano nasoni

Éxodo 31:18

Ascano nan machi Sinain mamaquishon nocon Ifo Diosin Moisés tapimani cusca yoiqui anaitiano nan ato yononi cusca toquiri sapa rafuqui Diosin ahuun mutotinin ato cunushoni. Ascashon Moisés inanni ahuun caifo foshotanon.

Éxodo 33:10

Ascaiton oincani nantifi Israelifo aton pano pushufo aton caicainti ano nan niafoan arifi Diosi cufinnifo.

Éxodo 33:11

Ascatan pano pushu ichananti murannoashu nocon Ifo Diosin Moisés fu yoinonanni. Nan a fu rafua fu yora tsaintiro cusca ai nocon Ifo Diosin Moisés fu tsainni. Tsainquin unutan Moisés afanan ahuun caifo icano nasoni. Ascano nan Moisés fu rafumisi Josué Nunpan facu nan ichananti pano pushu muran nituyoni.

Éxodo 33:8

Moisés nan ichananti pano pushu muran iquiano ahuun caifofoan aton pano pushu caicainti anoshon oinnifo. Ascatan nantifi funinifoannifo Moisés futan aton Ifo Dioshuunoa shinansharaquin ismashcaquin.

Éxodo 34:3

Min nuri uqui oainocai mi fu tsoa otiroma. Nan machi tunanmanricai tsoa otiroma. Inafoanricai nan fasi funununshon nanno pitirofomaran, —ishon yoini.

Éxodo 34:5

Ascano nocon Ifo Diosin nan coinmanhuan muran Moisésqui fotoaitian ahuun anu yoini. —Uhuun anufin mato Ifoquin, —ishon yoini. Nan nocon Ifo Diosin icano Moisés a fu nia ini.

Éxodo 34:9

Ascashon Moisés yoini isca huaquin, —Uhuun Ifon, min uqui unimacoinmainquin no fu capun. Nan uhuun caifoan mia nicacasmafain aton chaca shatucasmafain non mia nicacasmafia noco rauhuafain non mia chaca hua cuscari noco rau huapun. Min yoracoinfo noco imapun, —ishon Moisés nocon Ifo Diosi nannori yoini.

Números 11:17

Ascano un matoqui fotoshquin mato yoishquin. Nan Uhuun Yoshin Shara mi fu imisi cusca huaquin un ato furi uhuun Yoshin Shara rafumani. Ascano nanfoan mi futan min yorafo ashoshquin mincai afanan mirus fusti ato yonoima.