Éxodo 33:13 - Sharanahua: Diospan Tsain

¹³ Ascacun min uqui unimaimainquin min ashquiai cusca ua tapimahuun un mia onancoinfain min ua amapaiyai cusca un mia ashonon. Ifon, ointiaquimayamapun uhuun caifofin min yoracoinfoquin, —ishon Moisés yoini.

Éxodo 33:13 Iomraidhean Croise

Salmos 103:7

Nocon Ifo Diosin imisi cuscan Moisés tapimapaoni. Ascan ato asho sharamisi cuscan nan Israelifo tapimani.

Salmos 27:11

Uhuun Ifon min amisi cuscan ua tapimahuu. Ua noicasmaifoan ua pacupaiquin ua manacaniquin. Min fain cayacafi ua iyohuu. Un min fain shara ano caiton ua tsoan ahuusca huanonma.

Salmos 51:13

Min ua asca huainofin min tsain nicacasmafo un yoisharatiroquin mia tanasharanonfo. Ascashon aton chaca shatufain miqui nasononfo.

Salmos 86:11

Uhuun Ifon, min ua amapaiyai cuscan ua tapimahuu. Min ua tapimapaiyai cuscan ua tapimahuu. Minfin icon yoimisi fustiquin. Nanfin un tanaicai. Ua cayacafi shinanmahuu un ointi rafuya inonma. Mia fustifin un tanasharaiquin.

Éxodo 3:10

Natian ato ari catahuun. Un mia Egipciofoan aton niaifo Faraonqui mia nichi uhuun yorafo nan Israelifo Egipcio mai anoshon min ato iyotanon, —ishon Diosin Moisés yoini.

Éxodo 3:7

Ascano Diosin afanan yoini isca huaquin, —Uhuun yora Israelifofin mun oianquin fasi omitsiscaifoan Egipciofoan ato curushcain yonomanai cusca fasi atsanai pashapaiyaifoan un oian. Un fasi atohuun ramapaicoian.

Éxodo 32:12

Min ato rutuaiton oinquin Egipciofoan yoishquin isca huaquin, “¿Ahuuscai ato Ifo Diosin Israelifo machi ano ihuuamun nannoshon ato rutuquin futsashquin?” ishon Egipciofoan yoishquicani. Ascacun uhuun Ifo ato rutuyamapun. Atohuunoa shinan futsapun ato rutushquima. Nan yorafohuunoa min shinain cusca afanan anori shinanyamapun.

Éxodo 32:14

Nannori Moisés huaiton nicaquin nocon Ifo Diosin shinan futsani. Ascashocai Israelifo cuyonima. Nan ato yoia cusca ato rutuqui cuyopaifiaquin.

Éxodo 32:7

Ascashon nocon Ifo Diosin Moisés yoini isca huaquin, —Nuno machi mamaquinoashu cariscatahuun min yorafo nan min Egipcio mai anoshon ihuuafoan natian fasi chaca huacaniquin.

Éxodo 34:9

Ascashon Moisés yoini isca huaquin, —Uhuun Ifon, min uqui unimacoinmainquin no fu capun. Nan uhuun caifoan mia nicacasmafain aton chaca shatucasmafain non mia nicacasmafia noco rauhuafain non mia chaca hua cuscari noco rau huapun. Min yoracoinfo noco imapun, —ishon Moisés nocon Ifo Diosi nannori yoini.

Éxodo 5:1

Ascatan Israeli niaifofo ato tsain yoiquin anaititan Moisés fu Aarón nan Egipcio niaifo Faraón ano tapimani focani fonifo. Ascashon Faraón ano nocotan yoiquin isca huanifo, —Niaifon, non mia tapimanon nocon Ifo Diosin mia yoipaiyai cuscan, “Uhuun yora nan Israelifo tsoa istaipama ari nichihuun. Nanno ichanancashon pifain uhuunoa yoisharanonfo,” ishon nocon Ifon Diosin mia yoiran, —ishon Moisés futan Aarón yoiaifoan.

Juan 17:3

Mirus fusti min Diosincoin. Unfin Jesucristoquin nan mian nichini. Tsoan noco onancoianfin nipanacafoquin.

Romanos 11:28

Uhuun caifofoan tsain shara Jesushuunoa nicacasmacani. A noicasmacaquin. Ascacun Upa Diosin mato shara huashoan. Ahuun tsain shara Jesushuunoa man icoinra huanon. Mato shara huafiano uhuun caifoan nocon shunifo Abraham non Isaac non Jacob yoini cuscan ointiaquimama. Ascacun atohuunshon aton funa Israelifori ato noi.

Efesios 1:17

Ascan nan nocon Ifo Jesucristo Apa Diosifin nocon Upa Diosiriquin. Afin sharacoinquin. Nanscacun un cufifafainmisi ahuun Yoshin Sharahuunshon man shinansharafain ahuun tsainri man tapisharafain finacoinshon man Jesús onansharanon.

Colosenses 1:10

Ascashon nan mato amapaiyai cuscan man aiton oin Dios matoqui unimacoinshquin. Ascatan nan mato yonomapaiyai cuscan acai man isharashu ahuun facu cuscaracoin man itiro. Ascano man futsafo shara huashofafainquin. Man Dios onanquin finacoinfafaintiro.

2 Pedro 3:18

Ascatamarocon nocon Ifo Jesucristo ahuun tsain nicacoinfafaincahuun nan onanquin finacoinshcaquin. Mato shara huamapaiyai cuscan a cuscara shara ishcaquin. Maton nomuran tapisharaquin finacoinshcaquin. Nan fusti non Jesucristo yoiquin isca huatiro, —Minfin nocon Ifo. Minhuunshon fusti non ahuara shara huatiro. Mirus fustifin min sharacoinquin, —ishon natian yafi nan inonpacoai cuscan non yoipacunon. Nanscasi ipanon. Amen. Nanti. Pedro