Éxodo 33:11 - Sharanahua: Diospan Tsain

¹¹ Ascatan pano pushu ichananti murannoashu nocon Ifo Diosin Moisés fu yoinonanni. Nan a fu rafua fu yora tsaintiro cusca ai nocon Ifo Diosin Moisés fu tsainni. Tsainquin unutan Moisés afanan ahuun caifo icano nasoni. Ascano nan Moisés fu rafumisi Josué Nunpan facu nan ichananti pano pushu muran nituyoni.

Éxodo 33:11 Iomraidhean Croise

Génesis 32:30

—Un Diosi fuso oinfiaitocai ua namamanamaran, —ishon Jacob yoini. Ascashon nannoa nan mai anuni Penuelran ishon yoini.

Éxodo 17:9

Ascaiton oinquin Moisés nan nocofunu ahuun anu Josué yoini isca huaquin, —Nocon caifo nocofunufo catonhuun. Ato iyotashquin Amalecitafo fu rutunanonfo. Funamari un machihuan mamaqui caiquin Diosin ua yonomisi cusca nan poquiti un tsomai cairan, —ishon Moisés yoini.

Éxodo 24:13

Nannori nicatan Moisés Israelifo aton niaifo patasharinoafo ichanan huani ato yoishquin. —Unfin Josué fu machi Sinain mamaqui mapuicaicain nocon Ifo Diosin noco yoipaiyai cusca noco yoinon. Nunoshon noco manayocahuu. Un nunomano ahuara chaca finonshon Aarón iyamarai Hur yoicahuun nan rafutan mato yoitiro manmain ahuuscatiroquin, —ishon Moisés ato yoini.

Éxodo 32:17

Ascashon Josué fu Moisés na machi anoashu fotocaquin nicafo fasi mucacoinnifo. Ascashon Josué yoini, —¡Nicapon! Noco yorafo icanoashu fasi mucacani achacoin. Nan futsafoan ato rutui nicatsaran, —ishon yoiaiton.

Éxodo 33:10

Ascaiton oincani nantifi Israelifo aton pano pushufo aton caicainti ano nan niafoan arifi Diosi cufinnifo.

Éxodo 33:9

Nan iquicaitan Moisés nocon Ifo Diosi fu tsaincaino nai coinmanhuan nan caincaiti ano amanaonri manipacufoantan nituni.

Números 11:28

Nan nicatan Nunpan ahuun facu Josué nan pushcoaitian Moisés fu rafumisi nan ahuun oinmati cuscaran ipaoniton yoiquin isca huani, —Uhuun niaifo, Moisés, Eldad yafi Medad yoihuun afanan tsain yoinonfoma, —ishon Josué Moisés yoini.

Números 12:7

Ascanfia nan uhuun oinmati Moisés fu un tsaincaitiancai un namapanhuunoa yoimisima. Tsoa futsacai Moisés cuscarama. Un Moisés yoimisi cuscacoin samamashta ua huashomisi. Uhuun oinmati futsafocai Moisés cuscarama. Nantofin nantifi finoncoianquin.

Números 12:8

Unfin a fu tsainmisiquin uncai ahuara futsahuunoa yoitamarocon un ahuun ointaifin shafacaficoin yoimisi. Unfin Moisés ismamisiquin unmain ahuu cuscaraquin. Nanton ua oinmisi. ¿Ascacun ahuuscai man uqui ratuamamun nan uhuun oinmati Moiséshuunoa tsain chaca huai? —ishon ato Upa Diosin yoini.

Juan 11:11

Nannori noco yoitan Jesús afanan yoini isca huaquin, —Nocon yorahuan Lázaro oshafiacun un moimanicain, —huaiton.

Juan 3:29

Afanan un mato yoi ua nicacahuun. Man man tapia nocofunun afu rafua yoitiro isca huaquin, “¡Aicho! Na ainfo min ua fuchimana natian un rama fia uhuun ahuin inon. Un aqui unimacoinran,” ishon funun yoiaino afu rafuan aqui unimatiro. Nanscarifiai un Cristo yamafiacun futsafoan nan Cristo Jesús nicacoiainfoanno un fasi unimacointiro.

Deuteronomio 34:10

Nan Moisés Diosin tsain yoimisi cuscaracai afanan tsoan imisima. Diosin fu Moisés oinonanpaoni a furi tsainpaoni. Tsoan futsacai Moisés cuscara Diosi fu tsainmisima.

Santiago 2:23

Icoinra huacoincun Upa Diosin ahuunoa yoini, —Abraham minfin sharacoinquin. Ascashu min ufu isharatiroran, —ishon yoini. Diosin Abraham yoiniri, —Abraham minfin ufu rafusharacoinmisiquin, —ishon Diosin yoini.