Éxodo 33:1 - Sharanahua: Diospan Tsain

¹ Ascashon nocon Ifo Diosin Moisés yoini isca huaquin, —Natian nunoshon ato iyotahuun. Min yorafo min Egipcio mai anoshon ihuua nan mai shara ano natian ato iyotahuun. Un min shunifo Abraham non Isaac non Jacob yoiyotiani cusca un ato funafo mai futsa fasi shara inain. Un ato yoini cuscacai uhuun tsain tsoan fiananan huatiroma. Nannori fusti.

Éxodo 33:1 Iomraidhean Croise

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 15:18

Nantian nocon Ifo Diosin Abram yoiyoni isca huaquin, —Na mai un min funafo inain. Unuhuan Egipto ano shatutan unu Eufrates ano atona inon.

Génesis 26:1

Nantian tushu yamacoin fonitian. Abraham niyoatian ini cuscariai. Isaac Gerar mai ano tushu fipai cani. Nanriafoan Filisteofo aton niaifo Abimelec ini.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 28:10

Ascatan Jacob Beerseba anoashu Harán fain cani.

Génesis 50:24

Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.

Éxodo 17:3

Afanan Israelifoan fasi nomicoincaquin Moisésqui sinacaquin aqui tsain chipunifo, —¿Ahuuscaimun min noco Egipcio mai anoshon nuri noco ihuuaquin? Natian nocon facufo non noco inafoyari non nantifi nomi nai futsunon, —ishon Moisésqui sinacaquin nannori yoinifo.

Éxodo 32:1

Nantianri Israelifoan shinannifo fasi Moisés manariacaquin yoinifo isca huaquin, —Noncai tapiama ahuutiamain Moisés nocoqui nasoicai. Ahuara chacaraca finoan, —icashu Israelifo yoinannifo. Ascatan Aarón ano fonifo nan shinainfo cusca yoifocani. Ascashon yoiquin isca huanifo, —Moisés noco Egipcio mai arishon ihuufiashon noco potafainna. Ascacun noco diosi futsafo noco rami huashohuun nanfoan noco mai futsa ano iyoicanon, —ishon yoinifo.

Éxodo 32:13

Min nocon shunifo Abraham non Isaac non Jacob yoiyoni cusca shinanhuun. Minhuunshon min ato yoini isca huaquin, “Un min funafo fasi ichapa rasi onihuashquin. Nan mai fasi sharacoin un ato inanshquin atona ipanon. Ascano min funafo fasi ichapacoin iishquin. Nan fishifo tsoancai ato tanan huatiroma. Nanscarifi ai min funafo chipo tsoancai ato tanan huashquinmaran,” ishon noco shunifo min ato yoini. Ascacun uhuun Ifo aton funafo cuyoyamapun, —ishon Moisés yoini.

Éxodo 32:34

Natian un mia yoiai cusca mai futsa ano na yorafo iyotahuun. Nan uhuun oinmati u fu nai muran icaton mato rucu cashoi cai. Ascafia nan ua chaca huafo cuscacai un ointiaquimaima. Un ato chipo onaintimashquinran, —ishon nocon Ifo Diosin yoini.

Éxodo 32:7

Ascashon nocon Ifo Diosin Moisés yoini isca huaquin, —Nuno machi mamaquinoashu cariscatahuun min yorafo nan min Egipcio mai anoshon ihuuafoan natian fasi chaca huacaniquin.

Números 11:12

Na yorafocai uhuun facufoma. Uncai ato cainmanama. ¿Ahuuscai min ua yonoamun ainfoan ahuun facu chishtotiro cusca urifin na yorafo un chishtoi cafisca huanon? ¿Nan mai shara min noco shunifo yoiyoni cusca min ato inain un nanno ato iyoicaimun?

Hechos 7:36

Nanno Dioshuunshon ahuarashta tsoan oinyomisima shara ato ismani yoran atiroma cuscan ato ismani. Unuhuan ahuun anu oshin anori tsoan atiroma cuscan Dioshuunshon ato ismani. Tsoan istaipamashon nanscasi huapaoni.

Deuteronomio 1:8

Unfin na maitio mato inaincai matona inon. Ascacun natian nanno icahuun futsafo nannoshon potacahuun matona inon. Un maton shunifo Abraham non Isaac non Jacob aton funafori inanni. Ascano natianri matona iishquiran, —ishon nocon Ifo Diosin noco yoini.