Éxodo 3:12 - Sharanahua: Diospan Tsain

¹² —Unfin mi fu ishquicai. Min caifo Israelifo Egipcio mai anoshon iyoaitian nan machi Horeb anoshon man ua cufinshquinon. Ascashon min tapitiro un mia ya min yorafo nan Israelifo ano nichiaran, —ishon yoiaiton.

Éxodo 3:12 Iomraidhean Croise

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Génesis 15:8

Nannori huaiton nicaquin Abram afanan cumani, —Uhuun Ifon, min nantifi iquina. ¿Ahuuscashomun un tapitiroquin nan mai un fitiro? —huaiton.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 31:3

Ascacun Upa Diosin Jacob yoiquin isca huani, —Min upan mai ari nasohuun. Nanno min yorafoquin. Min caitian un mi fu cairan, —ishon yoini.

Salmos 86:17

Ua ismahuu min ua shara huashoi cuscan. Min ua shara huai cuscan uhuun nomuran min ua shinanmasharaino nan ua noicasmaifoan oincaquin tapitirofo un min facu icaino ua chaca huafain miarifi chaca huacani. Rafipaitirofo.

Éxodo 18:5

Ascano chipo Moisés ahuun ahuin non ahuun facu rafu non ahuun raisi non afo tsoa istaipama mainfin uhuapa ano Moisésqui fonifo. Nanno chaimashta machi ahuun anu Sinaí.

Éxodo 3:1

Ascano nantian Moisés ahuun raisi Jetro ahuun caifohuunshon Diosi cufinmisiton ahuun chashoanfo cushushopaoni. Fasi chaicoincushon tsoa istaipama ano ahuun raisin chashoanfo iyoni. Nanno machi cuyacoin Diospan ahuun machiran ishon anumisifo. Ahuun anu futsari Horeb huanifo.

Éxodo 3:13

Ascaiton Moisés cumani, —¡Ma! Uncai ascapaima. Uhuun caifoan, “Min chaniran,” ishon ua yoitirofo. Ascafian unfin uhuun caifo Israelifo ano nocoshon un ato yoitiroquin isca huaquin, “Nocon shunifoan aton Diosifin ua matoqui nichiaquin,” ishon un ato yoiaiton ua isca huatirofo, “¿Nan Diosimun ahuun anu ahuanuquin?” ishon. ¿Ua yocaifoan un raquiri ato cumatiromun? —ishon Moisés cumaiton.

Éxodo 33:14

Nannori huaiton nicaquin nocon Ifo Diosin Moisés cumani isca huaquin, —Min yorafo mai futsa ano iyoaitian un mi fu caashquin. Unfin mia cushusharaicai min nomuran min shinanchacanonma, —ishon nocon Ifo Diosin Moisés cumani.

Éxodo 4:12

Ascacun natian catahuun un mia yoia cusca huahuu. Nan min ato yoiaitian un mia tapimashquiran, —ishon nocon Ifo Diosin Moisés yoiaiton.

Éxodo 4:15

Nan un mia yoiai cusca min ochi tapimahuu. Nanton mia yorafo yoishonon. Un mato yonomapaiyai cusca un mato tapimashquin.

Éxodo 8:27

Non mato mai anoashu osha rafu non fusti cayoicai nannoshon nocon Ifo Diosin noco yonoa cusca non ashoin. Nanno tsoa istaipamashon non nocon inafo rututiro Diosi ismashquin nan non tanasharai cusca nofiri Ifo Diosi inanshquin, —ishon Moisés cumaiton.

Números 16:28

Ascano afanan Moisés nantifi Israelifo yoini isca huaquin, —Manfin samamashta oincai nanscashofin man tapitiroquin un amisi cuscacai unfincoin ahuara huatamarocon nocon Ifo Dioshuunshon un mato ashomisi. Nocon Ifo Diosin ua matoqui nichia un mato ashonon.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Marcos 16:20

Ascatan afu rafumisifo maitio foanfafaincaquin Jesushuunoa ato yoiaifono, nocon Ifon atofu yononi ahuamamishti ahuunshon huanonfo. Ascano nocon Ifoan tsainhuunoa ato yoini cuscan icoinra huanifo. Nanti.

Hechos 11:21

Upa Diosin ahuun Yoshin Shara atofu ini. Aton tsainhuunshon Israelimafoan ichaparasiton nocon Ifo icoinra huanifo.

Hechos 7:7

Ascacufin un nan yora futsafo onaintimai. Ascatan chipo aton mai anoashu focani nuno nocoshon ichananfafainshcaquin ua cufishcaniran,” ishon Upa Diosin nocon shuni Abraham yoini.

Romanos 8:31

¿Noco asca huasharaino non raquiri yoitiromun? ¿Upa Diosin noco shara huafafainaino futsafoan noco raquiri huatiromun?

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.

Josué 1:5

Min niyoaitiancai tsoan mia nitu huatiroma. Un Moisés fu imisi cuscan un mi fu ipanaca. Uncai mia potapacunacama. Nan mian yopaitian un mi fu iishquin.

1 Samuel 14:10

Ascan noco yoiquin isca huaifoanno, “Nuri mapui fucahuun,” ishon noco yoiaifoanno non atoqui catiro. Nannori noco huaifoanno nocon Ifo Diosin noco tapimai aafin no fu caino non ato rutuquin finontiroran, —ishon Jonatán yoini.