Éxodo 24:13 - Sharanahua: Diospan Tsain

^13-14 Nannori nicatan Moisés Israelifo aton niaifo patasharinoafo ichanan huani ato yoishquin. —Unfin Josué fu machi Sinain mamaqui mapuicaicain nocon Ifo Diosin noco yoipaiyai cusca noco yoinon. Nunoshon noco manayocahuu. Un nunomano ahuara chaca finonshon Aarón iyamarai Hur yoicahuun nan rafutan mato yoitiro manmain ahuuscatiroquin, —ishon Moisés ato yoini.

Éxodo 24:13 Iomraidhean Croise

Éxodo 18:5

Ascano chipo Moisés ahuun ahuin non ahuun facu rafu non ahuun raisi non afo tsoa istaipama mainfin uhuapa ano Moisésqui fonifo. Nanno chaimashta machi ahuun anu Sinaí.

Éxodo 19:3

Nannoashu Moisés machi mamaqui mapuni Diosi fu tsainshquin. Ascano nocon Ifo Diosin machi mamaquishon Moisés cunashon yoiquin isca huani, —Maton caifofo Jacob ahuun funafo Israelifo. Min ato yoitiro isca huaquin,

Éxodo 3:1

Ascano nantian Moisés ahuun raisi Jetro ahuun caifohuunshon Diosi cufinmisiton ahuun chashoanfo cushushopaoni. Fasi chaicoincushon tsoa istaipama ano ahuun raisin chashoanfo iyoni. Nanno machi cuyacoin Diospan ahuun machiran ishon anumisifo. Ahuun anu futsari Horeb huanifo.

Éxodo 32:17

Ascashon Josué fu Moisés na machi anoashu fotocaquin nicafo fasi mucacoinnifo. Ascashon Josué yoini, —¡Nicapon! Noco yorafo icanoashu fasi mucacani achacoin. Nan futsafoan ato rutui nicatsaran, —ishon yoiaiton.

Éxodo 33:11

Ascatan pano pushu ichananti murannoashu nocon Ifo Diosin Moisés fu yoinonanni. Nan a fu rafua fu yora tsaintiro cusca ai nocon Ifo Diosin Moisés fu tsainni. Tsainquin unutan Moisés afanan ahuun caifo icano nasoni. Ascano nan Moisés fu rafumisi Josué Nunpan facu nan ichananti pano pushu muran nituyoni.

Éxodo 4:27

Ascano nantianri nocon Ifo Diosin Aarón yoini isca huaquin, —Min ushto Moisés tsoa istaipama miqui oiquin aqui nocotahuun, —ishon Diosin Aarón yononi. Ascano nan machi anumisifo Diosin ahuun machiran, huamisifoanno. Nanno Moisésqui Aarón noconi. Nocotan fasi chipocuquin unimacoinquin ahuun tamoqui tsoani.

Números 11:28

Nan nicatan Nunpan ahuun facu Josué nan pushcoaitian Moisés fu rafumisi nan ahuun oinmati cuscaran ipaoniton yoiquin isca huani, —Uhuun niaifo, Moisés, Eldad yafi Medad yoihuun afanan tsain yoinonfoma, —ishon Josué Moisés yoini.

Josué 1:1

Ascatan Moisés niyoatian a fu rafumisiton nan yopai cuscan ashomisi ahuun anu Josué. Moisés Diospan oinmati ipaoni. Ascano Moisés nano nocon Ifo Diosin Josué cunani.