Éxodo 24:12 - Sharanahua: Diospan Tsain

¹² Ascatan nocon Ifo Diosin Moisés yoiquin isca huani, —Machi mamaqui uqui mapunyohuu. Un mia min caifofoya un yonoai cusca mato toquiri sapa rafu cunushona cusca man nicasharanon. Ascatan nan un mia yoiaino min u fu nuno nituyotiroran, —ishon Upa Diosin yoini.

Éxodo 24:12 Iomraidhean Croise

Salmos 19:12

Nocon nomuran non ahuara chaca shinaintocai tsoashtan tapitiroma. Futsafoancai un ahuara chaca hua cuscan tapiama. Ascafia uhuun Ifo Diosin minfin uhuunoa tapiaquin. Ascacun un chaca hua cuscan ua rau huapun.

Éxodo 19:3

Nannoashu Moisés machi mamaqui mapuni Diosi fu tsainshquin. Ascano nocon Ifo Diosin machi mamaquishon Moisés cunashon yoiquin isca huani, —Maton caifofo Jacob ahuun funafo Israelifo. Min ato yoitiro isca huaquin,

Éxodo 24:15

Ascatan Moisés machi mamaqui mapufainni. Ascaino nai coinmanhuanun machi nantio fuponi.

Éxodo 31:18

Ascano nan machi Sinain mamaquishon nocon Ifo Diosin Moisés tapimani cusca yoiqui anaitiano nan ato yononi cusca toquiri sapa rafuqui Diosin ahuun mutotinin ato cunushoni. Ascashon Moisés inanni ahuun caifo foshotanon.

Éxodo 32:1

Nantianri Israelifoan shinannifo fasi Moisés manariacaquin yoinifo isca huaquin, —Noncai tapiama ahuutiamain Moisés nocoqui nasoicai. Ahuara chacaraca finoan, —icashu Israelifo yoinannifo. Ascatan Aarón ano fonifo nan shinainfo cusca yoifocani. Ascashon yoiquin isca huanifo, —Moisés noco Egipcio mai arishon ihuufiashon noco potafainna. Ascacun noco diosi futsafo noco rami huashohuun nanfoan noco mai futsa ano iyoicanon, —ishon yoinifo.

Éxodo 34:1

Ascatan nocon Ifo Diosin Moisés yononi isca huaquin, —Na toquiri sapa rafu min moshaita cuscaran afanan nanscara rafu fihuun. Nan un mato cunushonita cuscaran nanscara tsainri un afanan mato cunushonon.

Mateo 5:19

Ascan tsoa Diosin yononi cuscan fustishta potashu non futsafori potamashu Dios icano aacai ahuama itiro. Ascafiaquin tsoan Diosin tsain nicasharafafainquin futsafori Diosin tsain shafacafi yosicun nan Upa Diosin icano niaifo patashari itirofoquin.

2 Corintios 3:3

Ascacun futsafoan mato ointirofo man nan Cristo aficoin cunua cuscarafo. Ascashon mato tapitirofo non mato tapima cuscan Jesús cuscara man inon. Toquiri sapaqui cunuahuunshoncai ato oinmanama. Maton nomurancai ahuaton cunuama. Upa Diosin nipamisiton ahuun Yoshin Sharapan mato imashara nantifiton mato oinonfo.

2 Corintios 3:7

Shinancapon. Upa Diosin nocon caifo Israelifo ato yonopaiyai cuscan toquiri sapaqui ato cunushoni. Ato yononi cuscan nicayamacanashu natirofo omitsiscapashcaquin. Upa Diosin ato yononi cuscan Moisés ato yoiaino Diosinhuunoashu ahuun fuso fasi chashaqui nocon shuni Israelifo ointima huani. Chashafiashu funainquimashta nishmapacuni. Ascatan Upa Diosin Moisés yononi cuscan fasi sharashtacoinfiashu natianfin ahuun Yoshin Sharapan noco yonoai cuscan fasi finacaia ahuun yono sharashtacoin man noco ismaquin.

Deuteronomio 4:14

Nantianri nocon Ifo Diosin ua yoini isca huaquin, “Chipo min caifofo nan mai shara un ato inain nanno iishquicani. Ascano ahuuscashumain isharatirofoquin un ato yonoi. Ascacun un mia tapimayoi min ato yoinon ua nicasharanonfo,” ishon nocon Ifo Diosin ua yoini.

Hebreos 9:4

Nan Dios cufiti cunu muran nantio cuno chashna faca facaitsa sharaishtan puraishica ini. Ascashon nan cufiti camaqui ahuara coanifo ahuun coin tipoaino nohuu inin sharayacoin inon. Nan coin tipoaino Dios ismapaonifo a cufifafaincaquin. Nannori cashon uhuapa ini. Nan ihui casho cuno chashnanpan puraishacafo faca facaitsa sharacoin ini. Nan cashon muranri tutso chashna faca facaitsa muran misi torumishti anucaquin, —Mananran, —huapaonifo. Nan casho muranri Aarón ahuun poquiti yafi toquiri sapa rafu nanunifo. Nan poquiti casho muran nanuataifoma Upa Diosin charo shachoco onihuariscatani. Ascashon nan toquiri sapa rafuqui Upa Diosin Israelifo yonopaiyai cuscan ato cunushoni.