Éxodo 20:5 - Sharanahua: Diospan Tsain

⁵ Nanscarafoquin ratoconun mai chachishon cufinyamacahuun. Uncaifin maton Diosiquin. Urus fustifin un maton Ifoquin. Manfin uhuun yorafoquin. Ahuara futsacai u fu maton diosi itiroma. Man futsa Ifohuapaiyaino man uhuun nomuran ua isinmatiro. Uncai ascarafohuunoa tapipaima. Man futsa ifohuaiton un mato onaintimatiro. Tsoan ua noicasmai aa non ahuun facufo non ahuun chata yafi ahuun shotafo non aton facufori un ato onaintimatiro.

Éxodo 20:5 Iomraidhean Croise

Éxodo 34:14

Urus fustifin un mato Ifo Diosiquin. Ua fusti noifain ua fusti cufincahuun. Ua man noiai cusca ahuara futsafo noiyamafain nanfori cufinyamacahuun. Unfin mato fu rafuaquin maton Ifo fusti iishquin. Uhuun anufin mato Ifo Dios fustiquin. Tsoa futsacai u fu maton ifo itiroma. Ahuara futsa man ifohuapaiyaiton nanscarafo cufinquin man uhuun ointi isinmatiroran, —ishon nocon Ifo Diosin yoini.

Daniel 1:2

Ascan nocon Ifo Diosin yononi cuscan Nabucodonosor niaifo. Judá finoanno aton niaifo Joacim achinifo. Jerusalén anoshon Babilonia mai ano iyonifo. Nantianri Diospan tsainti pushu murannoa ahuara sharafo fuchishon nanfori Nabucodonosor Jerusalén anoshon Babilonia ano fonifo. Nannoshon Babiloniafoan ahuara rami huashon, “Noco diosiran,” ishon yoinifo. Ascashon pushu muran tsaonnifo. Nan muranri ahuara sharafo huanifo.

Daniel 3:18

Ascan noco Diosin noco numaiyamainocai non min diosfo noipacunacama. Niaifon, nan nocofunu oro ointsa min ramihua non ahuun ointaifi maiqui fuoshonpacunacama cufishquin. Ascacun non mia cayacafi yoi min icoinra huanon, —ishon yoinifo.

Números 14:18

Nocon Ifo Diosin, nocoqui funa sinayamapun. Min yorafohuun fasi noicai unupacunacama. Uhuun yorafoan miqui chaca huaifo cusca min ato yonoa cusca ayamafiaifoan aton chaca soashofain ato rau huahuu. Min yoiquin isca huani, “Un ato rau huafia aton chaca shatuyamaifoan un ato onaintimai. Ua chaca huaifoan un atohuunshon aton facufo non aton chatafo non aton shotafoan ahuun facufoya un ato onaintimacoinran,” ishon min yoini.

Números 14:33

Matohuunoashu mato facufori cuarenta fari tsoa istaipama anoashu omitsiscai. Un mato yonomisi cuscacai man aama. Nanscacun nannoshon maton facufoan chashoanfo cushumisi iishquicani. Nan man nantifi nai cuyoaitian maton facufo nan mai shara ano fotirofo.

Mateo 4:9

Ascashon yoini, —Oinpon Mian ratoconun mai chachishon ua yoiquin, “Minfin uhuun Ifoquin,” mian huaitofin nan na maitio un mia inantiroquin, —ishon yoiaiton.

Juan 15:18

Icoinra huamafoan mato noicasmaifoan shinancahuun. Uacaifin noicasmaquin tau huanifoquin.

Juan 7:7

Nan icoinra huafoma nan ua noicasmai. “Manfin chaca huamisiran,” un ato huamisiquin. Ascacun ua noicasmacani. Ua noicasmafiacaquicai mato noicasmatirofoma.

Juan 9:2

Ascaiton non afu rafumisifoan yocatoshini. —Tapimamisiton, ¿Ahuuscaimun na nocofunu fushoquin nanscarapan caini? Ahuara chaca huamisishaquinraca fusho cainni. ¿Ascayamarai apa futan ahuan chaca huamisianoraca fusho cainimun? —ishon non Jesús yocani.

Romanos 1:30

futsafo yoiti huafain Dios noicasmafain roanmitsamisifo icain cacapaimisifo icain aton nomuran chaca fustisi shinanmisifo icain aton apa yafi ahua nicacasmafain

1 Corintios 10:22

Nocon Ifo Jesús fu rafupaifiatan non yoshin chaca fu rafupai non asca huaquinfin nocon Ifo Jesús non sinamatiroquin. Non asca huaiton noco onaintimatiro. ¿Asca nonmun Jesús curushcai finontiromun noco onaintimanonma? Ma. Anorima. Jesús noco onaintimaitian tsoan noco numatiroma.

Deuteronomio 4:24

Nan maton Dioscoinfin arus fusti mato Ifo ipaiquin. Aafin chii urumanhuan cuscaraquin. Tsoan ahuun tsain shara cachiquiri huacoincun ato chii urumanhuan muran potashquin amurannoashu omitsiscapanon.

Deuteronomio 6:15

Nocon Ifo Diosin mato fu ica. Arus fusti mato Ifo itiro. Man ahuara futsafo man ifoaino Diosin matoqui sinashquin. Nan mai shara anoshon mato cuyoshquin.

Santiago 4:4

Afin mato amapaiyai cuscacai nancairocon shinantama nan mafi ranan man apaiyai cuscan fustisi man shinanmisiquin. Ascaquicai man Dios noicoianma. ¿Man tapiamamun nan icoinra huamafoan fuchipaiyaifo cuscan marifi man fuchipaya. Ascaqui man Dios noicasmamisi itiro? Asca man icoinra huamafo cuscara icashufin Diosin noicasmamisi man itiroquin.

Josué 23:16

Nocon Ifo Diosin mato yoiyoni cuscan nannorisi man shinanyamaino caifo futsafoan ato diosiran ishon rami huafo man fuoshopacucahuanaiton nocon Ifo Diosin matoqui sinacointaquin nan mai shara ano mato inanni anoshon mato potaquin cuyoshquiran, —ishon Josué ahuun caifo Israelifo yoini.

Josué 23:7

Mani futsafo matomaquinoashu foataifoma ato fu rafuyamacahuu. Aton diosifo rami huafo aton anuhuunshon ahuara yoiyamacahuun. Aton anufori yoiyamacahuun. Nanfoqui fuopacucahuayamacahuu aton oinmatifori iyamacahuu.

Josué 24:19

Ascaiton Josué ato cumani isca huaquin, —Mancai nocon Ifo Diosin ahuun oinmatifo itiroma. Mato yonoai cuscan man atiroma. Aafin shara fustiquin. Ahua chacacai a fu itiroma. Arus fustifin maton ifo ipaiquin. Man ahuara futsafo ifoaino matoqui sinatiro. Mato yonoai cuscan man huayamaino man aqui chaca huaitoncai mato rau huashquima.