Éxodo 20:3 - Sharanahua: Diospan Tsain

³ Nan yora futsa iyamarai ahuara futsafocai maton Diosin itiroma.

Éxodo 20:3 Iomraidhean Croise

Salmos 73:25

Min nai muran icano urifi un miqui nocopai mi fu ipashquin. Uncai tsoa futsa yopaima. Un mia fuchipaiyai cusca uncai ahua futsa nuno mai anoshon un fuchipaima.

Éxodo 15:11

Nan diosiran ishon rami huafocai dioscoinfoma. Afocai mia cuscarafoma. Tsoa futsacai mia cuscarama. Min fusti sharacoin. Mia cuscaracai tsoan oinyomisima. Min ahuamamishti huatiro. Min curushhuunshon ahuara huamisi cusca oinquin, “¡Aira! ¡Oincapon! Diosin acai cusca fasi sharacoinran,” ishon non yoitiro.

Éxodo 32:8

Nan un ato yoia cusca man samamashta potacoianfo. Ascashon moipan facu cahua shara ointsa rami huafo. Nan rami huafo ointaifin ratoconun mai chachishon a cufincani. Ascashon ahuun ointaifiri toquirifo putsamuinia camaquishon inafo rutushon coafo. Ascashon yoiafo isca huaquin, “Naafin noco diosiquin. Nantofin noco Egipcio mai anoshon ihuuaquin,” ishon yoiafo.

Éxodo 34:14

Urus fustifin un mato Ifo Diosiquin. Ua fusti noifain ua fusti cufincahuun. Ua man noiai cusca ahuara futsafo noiyamafain nanfori cufinyamacahuun. Unfin mato fu rafuaquin maton Ifo fusti iishquin. Uhuun anufin mato Ifo Dios fustiquin. Tsoa futsacai u fu maton ifo itiroma. Ahuara futsa man ifohuapaiyaiton nanscarafo cufinquin man uhuun ointi isinmatiroran, —ishon nocon Ifo Diosin yoini.

Daniel 3:18

Ascan noco Diosin noco numaiyamainocai non min diosfo noipacunacama. Niaifon, nan nocofunu oro ointsa min ramihua non ahuun ointaifi maiqui fuoshonpacunacama cufishquin. Ascacun non mia cayacafi yoi min icoinra huanon, —ishon yoinifo.

Mateo 4:10

Afanan Jesús cumaqui, —Diospan tsain cununiri “Nan nocon Ifo Diosin fustifin non ratoconun mai chachishotiroquin. Nan fustimain nocon Ifocun,” ishon cununi. Ascan umaquinoashu cariscatahuun Satanás, —ishon Jesús yoini.

1 Corintios 8:4

Ascashofin non Dios noicoiainton noco tapimatiro nan ahuara futsa ramihuacashon tushu inanfo non pitiromainquin. Ascacun man non tapia ahuara futsan ramihuafocai ahuama. Acai Diosincoinma. Nan aafin ramihuafoancai ahua tapiama. Acai ointiya iyamacain ahuun maponricai ahua shinantiroma. Nanscarafocai Dios itiroma. Diosfin nan fustiquin.

1 Corintios 8:6

Anori yoifiamisifocai anorima. Man non tapia nocon Upa Diosifin fustiquin. Futsa yamai. Nantonfin nantifi onihuani. Nocofori onihuani non ahuun facufo inon. Ascashu non Ifo fustiya. Jesucristo fusti. Futsa yamai. Ahuunshon nantifi onihuani. Ahuunoashu non nitiro.

Efesios 5:5

Natian un mato yoiai cuscan man icoinra huatiro. Ratoran futsan shinanchacamisiton ahuinma fu icaino ainfofori nanscarifiaifono funuma furi icain yora futsana fipaimisi. Nan yora futsana ahuara fianpaiquin nan Dioscoin fuchipaitama ahuara futsahuunsi nuuquin nancai fuchipaifafaini. Afanan un mato shafacafi yoi. Tsoan chaca huaicai Jesucristo Apa fu icari nocotirofoma. Nan Jesús niaifo icaricai ahua chaca afu itiroma. Ascaran chaca huamisifocai Cristo icari noconacafoma.

Deuteronomio 6:14

Mani futsafo mato chaima icafoan afi rami huacashon uhuun diosiran ishon rami huafo tanayamacahuun.

Deuteronomio 6:5

Nocon Ifo Diosi maton shinanhuunshon fasi noicoinfain maton nomuran fasi noicoinfain maton curushhuunshon fasi noicoincahuun.

Filipenses 3:19

Jesús ato amapaiyai cuscacai shinantama nan afin apaiaifo cuscan fusti shinancani. Pifain ayafain huacaquin. Nan fusti shinancani. Ascashon nan nocofunufoan ainfofohuunoa fusti shinancani. Nanscarifi ainfofo aifono nocofunu futsafo yasi icaifoanno. Nanscara chacafosi huacani. Nanscaisi tapiafo. Non chacaforan itama noncaifin sharaquin icafo. Afanancai tsoa rafipaitirofoma. Nanscarafo nacanashu omitsiscapanacafo muran focani.

Colosenses 2:18

Oinfain. Futsafoan mato shinanmapaiyaifo cuscan man ato nicashu nan Upa Diosin mato inansharapaiyai cuscan man funotiro. Ascacun ato nicayamacahuun. Mato amaquiri yoipaiquin isca huacani, —Uhuun namapan cuscara Diosin ua isma cuscan fasi sharacoin. Uncai ahuayamafiacun Diosin ua isma cuscan tsoa futsacai oinyomisima. Ascan un oian cuscan miarifi Diosin oinmanaino shara itiroran, —ishon cacapaimisiton mato amaquiri yoipaicani. Mato yoipairi isca huaquin, —Non Diospan oinmati afu nai muran icafo cufitiroran, —ishon mato parapaicani. Nanfoan aton nomuranshon futsa futsa huaquin shinainfo cuscan fusti matorifi yosipaicani ato cuscara cacapaimisifori man inon. Diosin shinan cuscacain shinantama afin shinantirofo cuscan fusti shinancani. Nanscashu nanfo curafiapaimisifo.

Apocalipsis 19:10

Ua yoiaino un anaman fuopacua, —Min sharacoinran, —ishon yoishquin. Ascafiashon ua yoia, —Asca huayamahuu. Ua anori yoiyamahuu. Unrifi nan mi futan Jesús icoinra huafo cuscarari. Jesús mato yoia cuscan man cachiquiri huamisima. Un matofu ahuun oinmatiri. Nan fusti non fuoshopacutiro yoishquin, “Min fasi shara. Min uhuun Iforan,” ishon min nan fusti yoitiro. Diospan tsain yoimisifoan yoiafo cuscan unrifi un mia yoia nanscasi huaquin non Jesushuunoa non yoinon, —ua huaa.

Apocalipsis 22:9

Un asca huafiaiton ua yoia isca huaquin, —Asca huayamahuu. Urifi mia cuscara. Min non Jesús icoinra huafo non ahuun tsain yoimisifo non nantifi nan min rama cunua cuscan icoinra huafo urifi mato cuscara nocon Ifon Diosin ahuun oinmati. Ascan Upa Diosin fustisi min Ifo huatiro. Nan fusti min anaman nofuomupacucahuashotiro, —ua huaa.