Éxodo 20:12 - Sharanahua: Diospan Tsain

¹² Maton upa yafi mato uhuari nicasharafain ato sharahuashofafaincahuun. Atohuunoari shinansharafain atohuunoa yoisharapacucahuun. Man ascaiton oinquin nan mai nocon Ifo Diosin mato inain man ano ipashquinon.

Éxodo 20:12 Iomraidhean Croise

Génesis 48:12

Ascatan José apaqui ratoconun ahuun facu rafu shucafurani. Ahuun facu rafu shucafuratan apa tsaoa naman José fuopacucahuani. Fuopacui ahuun fumanan tapaqui noconi.

Génesis 50:12

Jacob ahuun facufoan nan apa yoini cuscan huanifo.

Mateo 19:19

Upa yafi uhua nicasharafain ato shara huahuu. Nan mifiri min noiai cuscan futsafohuunri noihuu, —ishon yoaiton.

Marcos 10:19

Diosin yononi cuscan min tapian. Isca huaquin noco yoini, “Futsa rutuyamacahuun. Maton ahuinma fu iyamacahuun. Ascanori maton funumafuri iyamacahuun. Ahuara onuyamacahuun. Chaniri yoiyamacahuun. Fuparayamacahuun. Maton upa yafi uhua nicasharafain ato shara huacahuun,” —ishon Jesús yoini.

Marcos 7:10

Nocon shuni Moisés yononi isca huaquin, “Maton upa yafi uhua nicasharafain ato shara huacahuun. Tsoan apa iyamarai ahua tsain chaca huai ato rutumacahuun,” ishon yoini.

Lucas 18:20

Diosin yononi cuscan man min tapian. Yonoqui isca huani, “Min ahuinma fu iyamahuu. Futsa rutuyamahuu. Ahuara onuyamahuu. Chaniri yoiyamahuu. Ascashon upa yafi uhuari nicasharafain ato shara huahuu,” —ishon yoiaiton.

Efesios 5:21

Cristo nicasharapaifain mafi rananri nicanonancoincahuun. Nantifi icoinra huafo ya asca huatanancahuun.

Deuteronomio 11:8

Ascan nocon Ifo Diosin noco yonoa cusca un mato tapimaicai nantifi nicasharacahuun. Man ascaiton Diosin mato mutsismashquin man unu Jordán pocufain nan mai shara ano man iquicai matona inon.

Deuteronomio 11:9

Nocon Ifo Diosin nocon shunifo yoini nan mai shara atona icain aton funafonari iishquin. Nanno mai fasi shara yonofo foaisharatiro ini. Nan ratora futsan nanno icashucai ahua yopatiroma. Man nocon Ifo nicasharacun nanno man chai ipasharatiro.

Deuteronomio 4:26

Ascatari un mato yoi nai murannoafo futan mai anoafoan ua nicaino un mato yoi man chaca huacun nan mai shara Jordán ocuma futsa foashucai afanan ano man chai nipatiroma. Nocon Ifo Diosin mato namaquin futsashquin.

Deuteronomio 4:40

Un na shafata Diospan tsain mato yonoa cusca man nicasharaino maton facufoya man isharatiro. Man ascaino nan mai shara nocon Ifo Diosin mato inanpacushquin nannofin man ipatiroquiran, —ishon Moisés Israelifo yoini.

Deuteronomio 6:2

Ascano maton facufo non mato funafori man niyoshon nocon Ifohuunoa shinansharafain man ahuun tsain nicashara. Mato yonomisifoti man nicasharacun mato chai niimapacutiro.

Colosenses 3:20

Facufoan maton upa yafi uhua nicasharacoinfafaincahuun. Man ascaino Diosin matoqui unimacoinon.