1 Nocon Ifo Diosin ato yoiquin isca huani,
Nannori nicatan Moisés machi mamaquinoashu fotoni nocon Ifo Diosin yoia cusca ahuun caifofo tapimaniyoi.
—Unfin maton Ifo Diosiquin. Man Egipciofoan ato yonomatifo ipaoni. Ascafiano un mato Egipcio mai arishon ihuua afanan aton yonomatifo man inonma.
Moisés tsoan istaipama ano nocon shunifo fu ipaoni. Machi Sinain anoshon Diospan oinmati afu nai muran icaton a yoini cuscari nocon shunifo tapimani. Nan Diospan tsainman noco nimapacutiro ishon ato yoini.
Upa Diosin ahuun oinmati afu nai muran icafo nichini ahuun tsain mato inanfiafocai man nicapaimaran, —ishon Esteban ato yoini.
Mancai nocon Ifo Diosin ahuun oi chii urumanhuan murannoa nicafiashu naanima. Aafin natian man nia. Rato mani futsafoancai man nica cusca nicamisifoma.
Nai muranshon ahuun oi mato nicamani mato tapimashquin. Ahuun chii urumanhuanhuunshon mato mai futsa ano ismani nan muranshon mato yoini.
