Éxodo 2:24 - Sharanahua: Diospan Tsain

^24-25 Israelifo fasi pashapai piniaifo cusca Upa Diosin ato nicaquin nan Abraham non Isaac non Jacob yoiyoni cusca Upa Diosin shinanriscatani, —Unfin mato funafo shara huapacunacaran, —ishon ato yoiyoni cusca Diosin nan Israelifohuun ramapaicoinquin ato shinanni.

Éxodo 2:24 Iomraidhean Croise

Génesis 15:13

Ascatan Ifo Diosin yoini, —Abram, un mia yoi min tapifain min ua icoinra huanon. Min funafo mai futsa ano iyoshcani. Nan mai futsa anoafoan aton yonomatifo iishquicani. Cuatro cientos farin ato yonomaqui fasi omitsiscamashcani.

Génesis 17:7

Un mia yoiyotiani cuscan min funafori un ato yoishquin. Un min Diosin imisi cuscan nanfoan ato Diosiri un iishquin.

Génesis 18:18

Chipo Abrahamhuunoashu ahuun funafo caifo ichapa icain mutsisipacoinfo iishquicani. Ascano ahuunshori un nantifi manifoti shara huashquin.

Génesis 22:16

—Abraham, nocon Ifo Diosin mia yoi isca huaquin, “Min facu fusti mian rutusho cuana uqui onon. Ascan uhuun anuhuunshon un mia yoi.

Génesis 26:2

Nannoashu nocon Ifo Diosin Isaacqui niriscatani. Ascashon yoini, —Egipto mai ari cayamahuun. Nan un mia yoiai cusca ahuun.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 32:28

—Min anu afanan Jacob itiroma. Un mia anu futsa tuqui huai. Min Diosinna fipaiyai cuscan mia inan. Ascan nocofunuhuunoa fipaiyai cuscan nanri mia inan. Ascan man min finoncoian. Ascano natian min anu Israel iishquiran, —huaiton.

Génesis 35:11

—Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 35:12

Un min shota Abraham yafi min upa Isaac un ato mai inanni. Nantiatari un mia inain. Ascashori min funafori un inainran, —ishon Diosin yoini.

Génesis 8:1

Ascano Noé yafi nantifi yoinafo a fu ahuun shashohuan muran icafo Diosin atohuunoa shinanni. Ascashon Diosin unu fumancayan fuu fumani. Nan fuuhuanun unu nasha huaquin tau huani.

Éxodo 6:5

Natian nan Israelifo omitsiscaiton mun nican. Egipciofoan ato yonoa aton yonomamisifo inonfo. Fasi ato chaca huafafaincani. Ascacun unfin Abraham non Isaac non Jacob non afo yoiyoni cusca mun natian shinain. Uncai ointiaquimanama. Nan un ato yoipaoni cusca un aton funafo nan Israelifo mai futsa shara ari inonfo un ato nichishquin.

Números 20:16

Ascano non nocon Ifo Diosin fasi cufini noco numanon. Nocon Ifo Diosin noco nicaquin ahuun oinmati a fu nai muran ica nocoqui nichini noco Egipcio mai anoshon iyonon. Natian non Cades ano nocoa. Nan pushurasi mato mai chaima ica.

Hechos 7:34

Uhuun yorafo Egipto ano omitsiscai cuscan mun oian. Man pashapaiyaifoan mun nica. Ascan un fotoa ato caimashquin. Natian un mia Egipto ano afanan nichicai.”

1 Samuel 9:16

—Na funamari nan nocofunu Benjamínfo mai anoshon un miqui nichi. Ahuun mapoqui shuni ocahuun naanfin mato niaifo iishquiquin. Nan uhuun yora Israelifoan ua cufiainfo cuscan mun nica. Nan ua cufiainfo cuscan nicain un fasi atohuun ramapaicoin. Mani futsan nan Benjamín aton muran nan nocofunuhuunshon nantifi uhuun yorafo Israelifo un numashquin Filisteofoan ato ahuusca huanonma, —ishon nocon Ifo Diosin Samuel yoini.