Éxodo 2:18 - Sharanahua: Diospan Tsain

¹⁸ Nan samamashtacoin shomayafo aton apa Reuel ano nasofainifo. Nocoaifoan aton apan yocani, —¿Ahuuscai man nasoriscamun? —ishon ato apan yocaiton.

Éxodo 2:18 Iomraidhean Croise

Éxodo 2:19

Nan shomayafoan apa cumanifo, —Upan, nocofunun Egipciofin noco numaquin. Nan chashoan cushumisifoan noco asca huaifoan nan nocofunun noco numashon. Nanton nocon chashoanfo ayamanaran, —ishon apa yoinifo.

Éxodo 3:1

Ascano nantian Moisés ahuun raisi Jetro ahuun caifohuunshon Diosi cufinmisiton ahuun chashoanfo cushushopaoni. Fasi chaicoincushon tsoa istaipama ano ahuun raisin chashoanfo iyoni. Nanno machi cuyacoin Diospan ahuun machiran ishon anumisifo. Ahuun anu futsari Horeb huanifo.

Éxodo 4:18

Ascano Moisés afanan ahuun raisi Jetro ahuun pushu ano nasoni. Ascashon ahuun raisi yoiquin isca huani, —Anifon, un Egipto ano capaicai. Ua nichipun. Uhuun caifo un afanan ointanon atirifimain man naafoquin, —ishon Moisés yoiaiton. —Shara. Minfin catiroquin. Casharatahuun. Min atoqui noco sharapainonran, —ishon ahuun raisi Jetro cumani.

Juan 9:12

Ascaiton, —¿Ranimun na nocofunu Jesusquin? —ishon yocaifoan. —Un tapiama. Raquiran man caaran, —ato huani.