Éxodo 2:16 - Sharanahua: Diospan Tsain

¹⁶ Ascano nan mai Madián ano nocofunu ahuun anu Reuel. Nantofin ahuun caifo Upa Diosi cufinshomisi ini. Ahuun facu shomaya mucu fustiti non mucu foshca fu rafuati ini. Naan shomayafo unu fii focani fonifo apan chashoanfo ayamashcaquin. Ascano nan pozomua ano Moisés tsaoa ini.

Éxodo 2:16 Iomraidhean Croise

Génesis 14:18

Nantiari niaifo futsan ahuun anu Melquisedec Abramqui noconi. Nan Melquisedec Salem pushu rasi anoafoan aton niaifo ini. Ascan Diosifin nantifi mai anoafo yafi nai murannoafori finoncoianquin. Nan Melquisedec yorafohuunshon Diosi cufinmisi ipaoni. Nanton misi yafi fimi ahuun anu uva Abram fushoni.

Génesis 24:11

Nanno pozomua pushu rasi pasoatoshon ifoan ahuun camellofo ratoconun mai chachimani unu ayanonfo. Na yorafo nanno icafoan ato ainfofoan man fari caino pozomua ano fonifo unu fiishcaquin.

Génesis 24:13

Ua oinhuun Upa Diosin. Un nuno pozomua ano nia. Nantianri nan pushu rasi anoashu aton ainfofo fucani unu fii fucani.

Génesis 29:2

Nocotan oian tsoa istaipama ano pozo shatsocamun. Chashoanfori mani rafunon fusti racafo ini. Nannoshon nan pozon anoshon chashoan cushumisifo ato ayamamisi. Nan pozon camaqui toquirininhuan sapa fupoa ini.

Génesis 41:45

Ascashon Faraón José anu futsa tuqui huani. Zafnat-panea ahuun anu futsa tuqui huani. Ascan nocofunu ahuun anu Potifera pushu rasi ahuun anu On ano iyopaoni. Nan afin ahuun yorafo ato cufinshomisi ipaoni. Faraón yononi Potifera ahuun facu shomaya ahuun anu Asenat José inannon a fu fiananon. Ascano José Egipcio maifoti ano cahuancacaini.

Éxodo 18:1

Ascano nocon Ifo Diosin Moisés yafi ahuun caifo Israelifo ato ashoni cusca ato Egipcio anoshon iyoni cuscari Moisés ahuun raisi Jetro nicani. Nan Jetro ahuun caifofo Madián anoafo aton Ifo Diosi cufinshomisi ini.

Éxodo 18:12

Nannori yoitan Moisés ahuun raisi Jetro ina rutushon coani nocon Ifo Diosi ismashquin arifin ahuun Diosin yoiai cusca aashquin. Ascano ahuara futsafori Jetro Diosi inan nan ahuun Ifo ismashquin. Ascano Aarón yafi Israelifo non aton niaifo patasharinoafori Moisés yafi ahuun raisi Jetroqui funifo ato futan piishcaquin. Diosi ointaifi ato futan pinifo.

Éxodo 3:1

Ascano nantian Moisés ahuun raisi Jetro ahuun caifohuunshon Diosi cufinmisiton ahuun chashoanfo cushushopaoni. Fasi chaicoincushon tsoa istaipama ano ahuun raisin chashoanfo iyoni. Nanno machi cuyacoin Diospan ahuun machiran ishon anumisifo. Ahuun anu futsari Horeb huanifo.

1 Samuel 9:11

Ascatan nan rafu Diosi tanamisiton ahuun pushu rasi ano machi ari mapuinifocaquin nan shomayafo unu fii fuaifoquin noconifo. Ascashon ato yocanifo, —¿Ranimun nan nocofunu Dioshuunshon inonpacoai yoimisi? ¿Natianmun ahuun pushu ano? —ishon nan shomayafo yocanifo.