Éxodo 2:15 - Sharanahua: Diospan Tsain

¹⁵ Ascano nan Moisés Egipcio rutuita tapishon Faraón ahuun ranushumuafo nichini Moisés funanonfo fuchishon rutushquin. Nan nicatanaitian Moisés ichoni. Ratucaini cai. Mai futsa ahuun anu Madián ari tsoa istaipama pashaicani. Nanri pozomua chaima tsaoni.

Éxodo 2:15 Iomraidhean Croise

Génesis 24:11

Nanno pozomua pushu rasi pasoatoshon ifoan ahuun camellofo ratoconun mai chachimani unu ayanonfo. Na yorafo nanno icafoan ato ainfofoan man fari caino pozomua ano fonifo unu fiishcaquin.

Génesis 25:2

A futan seis facu ani. Nanfoan aton anufo Zimram non Jocsán non Medán non Madián non Isbac non Súah non afo ini.

Génesis 25:4

Madián ahuun facufofin Efá non Efer non Hanoc non Abida non Elda non afo ini. Nanfoan Cetura aton shuni.

Génesis 29:2

Nocotan oian tsoa istaipama ano pozo shatsocamun. Chashoanfori mani rafunon fusti racafo ini. Nannoshon nan pozon anoshon chashoan cushumisifo ato ayamamisi. Nan pozon camaqui toquirininhuan sapa fupoa ini.

Éxodo 18:4

Uhuun facu futsa ahuun anufin Eliezerquin. Nan uhuun upan ahuun Diosifin uarifi numaquin Faraón ua non uhuun caifofoya rutupaifiaiton Diosin noco numa shara noco rutunonfoma. Nanscacufin uhuun facu un nannori anuaquin Eliezeran, —ishon Moisés yoini.

Éxodo 4:19

Moisés ahuun raisi pushu anoashu cataima nocon Ifon Diosin yoini isca huaquin, —Nan Egipcio anoafoan mia rutupainifo nanfo nantifi man nai cuyonifo. Ascacun ratuquima Egipcio mai ano nasohuun, —ishon nocon Ifo Diosin Moisés yoini.

Mateo 10:23

Ascan pushurasi futsa anoshon mato omitsisca huaifoanno pushurasi futsa ano ichotacahuun. Ascacun un mato cayacafi yoi. Ua nicasharacahuun. Israel pushurasifo atirifi ari man cataima un afanan matoqui nasoshquin.

Juan 4:6

Nannori Jacob mai poquini a murannoa unu fishqui. Ascaino fari masafinin racano Jesús arusu nanno noconi. Fasi chai cunoashu oashu atsanacoin. Ascashu nanno tsaoyoni.

Hechos 7:29

Nicatan Moisés mai futsari ichoni. Nan mai Madián ano ichoni ato muran iyoni. Nannoshon ahuun facu furonanfacu rafu ani.

Hebreos 11:27

Ascan Dios icoinra huafain Egipto anoashu ahuun caifofoya Moisés cani. Egipciofoan aton niaifo aqui sinafiainocai aqui ratutama nan niaifoan ahuun mai anoashu cani. Dios tsoan ointiromafia Moisés mupaoni Dios afu rafucoincun. Nan oincoin cafisca huapaoni. Ascashon nan Diosin yononi cuscan huaqui unupaonima.