Éxodo 19:9 - Sharanahua: Diospan Tsain

⁹ Ascashon afanan nocon Ifo Diosin Moisés yoini isca huaquin, —Un matoqui nai coin cushtocoin muran oshquin un mia yoiai cusca min caifofo nicashon mia icoinra huapanonfo, —ishon nocon Ifo Diosin Moisés yoini. Ascan ahuun yorafo yoiafo cusca Moisés ahuun Ifo Diosi yoini.

Éxodo 19:9 Iomraidhean Croise

Éxodo 14:31

Nan noco Ifo Diosin ahuun curushhuunshon Egipciofo nama cusca Israelifoan oincaquin yoinifo isca huaquin, —¡Aicho! Nocon Ifo Diosin ahuamamishti huatiro, —ishon yoinifo. Ascashon nocon Ifo Diosihuunoa yoisharafain a icoinran huafain nan ahuun oinmati Moisésrifin icoinra huanifo.

Éxodo 19:16

Nan osha rafu finoanno iyoconaino nan funamarishta fasi turui furanfafaintan fasi cana piishi furanfafaini. Ascano nai coinmanhuan murannoashu Upa Diosin machi mamaqui fotoni. Nantianri manuti nai murannoashu achacoin manuni chaan chaan iquin fasi isininpatanaino nantifi Israelifo taritaricani ratucoinnifo.

Éxodo 20:21

Ascano nan Israelifo machi chaima shara niafoanno Diosi machi ano faquishihuacoin huaino Moisés nanri mapufaini Diosi fu tsainquin cai.

Éxodo 34:5

Ascano nocon Ifo Diosin nan coinmanhuan muran Moisésqui fotoaitian ahuun anu yoini. —Uhuun anufin mato Ifoquin, —ishon yoini. Nan nocon Ifo Diosin icano Moisés a fu nia ini.

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Éxodo 4:5

—Nan min chipo ato iscara ismaitian unquian nan mato Ifo Diosin maton shunifoan aton Ifo nan un mia nichiaitian chipo mia icoinra huashcani. Nan maton shunifo Abraham non Isaac non Jacob nanfoan un aton Diosin. Nanscacun nan un miqui nocoaiton mia icoinra huashcani, —ishon nocon Ifo Diosin yoini.

Números 12:5

Nantianri nocon Ifo Diosin nai coinmanhuan muran atoqui fotoni. Nan ichananti pano pushu caincaiti ano nia ini. Ascashon, —Aarón yafi María nuno fucahuun, —ato huani. Ascano nan rafu aqui funifo ahuun ointaifin nitishonifo.

Mateo 17:5

Ascashu Jesús fu tsaincaino coin osho sharacoin atoqui cuyopacuni. Ascaino coin murannoa oi nicanifo yoiqui isca huaiton, —Nanfin uhuun Facuquin. Un fasi ahuun noi. Nanfin un catoanquin. Un aqui unimacoin. Ascacun a nicacoincahuun, —ishon Upa Diosin yoini.

Marcos 9:7

Ascatanaino naicoin atoqui cuyopacuni. Naicoin murannoa ahuun oi nicanifo, —Nanfin uhuun Facuquin. Un ahuun noi. A nicacoincahuun, —Upa Diosin huani.

Lucas 10:16

Asca huatan Jesús ahuun tanamisifo afanan ato yoiqui isca huani, —Tsoan man yoiai cuscacoin mato nicaquifin nan uacoin nicai cafisca huaiquin. Ascan tsoan mato nicacasmaquifin uarifi nicacasmaiquin. Ascan tsoan ua nicacasmaquifin nan ua nichini uhuun Upan Diosiri nicacasmaiquin, —ishon Jesús ato yoini.

Deuteronomio 4:10

Man machi Horeb tunanmanri nocon Ifo Diosin ointaifin man nanno nia ini. Nantian nocon Ifo Diosin ua yoini isca huaquin. “Nantifi min caifofo Israelifo ichanan huahuu un ato tapimasharanon. Nanfoan ua nicasharafain tapitirofo ahuuscashomain nan mai shara anoshon uhuunoa shinansharafain un ato yonoa cusca nicasharafain aton facufori tapimacanicain. Ascano nanfoan niyocashon ua nicasharatiroforan,” ishon ua Diosin yoini. Nanhuunoari maton facufo tapimacahuun.

Deuteronomio 4:36

Nai muranshon ahuun oi mato nicamani mato tapimashquin. Ahuun chii urumanhuanhuunshon mato mai futsa ano ismani nan muranshon mato yoini.

Apocalipsis 1:7

“Shinancapon. Nocon Ifo Jesús cooin camaqui afanan oaiton nantifi yorafo niafo futan namisifoanri oinshquicani. Nan mastamisifoanri oinshquin. Ascashu nocoaiton nantifi manifotifain ratucaquin yoishcani isca huaquin, ‘¡Ohuashta! Diospan Furun Jesús non chaca huamisishaquin non aqui ratucoinran,’ ishon yoishquicani. Nanscafin aashquiquin. ¡Amen!”