Éxodo 18:7 - Sharanahua: Diospan Tsain

⁷ Ascatan Moisés atoqui nocoi cani. Ahuun raisiqui nocotan tutipacucahuani. Nan aton fuyamisi cusca Moisés ahuun raisi tamoqui tsoani. Ascatan yoinonansharatan Moisés ahuun pano pushu muran iquifainnifo.

Éxodo 18:7 Iomraidhean Croise

Génesis 14:17

Ascan nan niaifo Quedorlaomer yafi ahuun ranushumuafo non niaifo futsafo aton ranushumuafori Abram ahuun yorafo trescientos dieciocho nocofunufoan ato rutuqui finoncoinni. Ascaino niaifo futsafoan ahuun ranushumuafo ichoaiton Abram ahuun yorafoan mufainifo. Ascashu Abram nasoaino Sodoma anoa niaifocoin mai mispa Save ano aqui noconi. Nan Save mai mispa ahuun anu futsa Niaifoan ahuun mai misparan ishon anunifo.

Génesis 18:2

Ascano Abraham funinacahuan nan nocofunu rafu non fusti chaimashta nicun fuchini. Ascaiton oin pano pushu caincaiti anoashu atoqui nocoriscatan ato tutishopacucahuani.

Génesis 19:1

Ascashu Diosin oinmati rafu a fu nai muran imisifo man fari caino Sodoma ano noconifo. Nantianri Lot pushu rasi ahuun shoi caincaiti ano tsaoa ini. Ascano ato fuchitan ato ano cani. Ato ano cashon ato yoini,

Génesis 29:13

Nicatan Labán Jacob ahuun pia aqui ichoni unimai. Icoacufoan tamo tsoacatan ahuun pushu ano iyoni. Pushu muran nocotan Jacob ahuunoa ato tapimani.

Génesis 31:28

Miancai uhuun facu yafi uhuun chatafo tsoamafuranitama. Min shinain cuscan min niso cuscaracoin.

Génesis 43:26

Ascacun José pushu ano nocoaiton nan fushoafo cuscan José inancoinnifo. Inancoincatan fuoshopacufoannifo.

Génesis 45:15

José nantifi ahuun yorafo icoancufoan uaiquipacuni. Ascatan ahuun yorafoya tsain shara yoinonannifo.

Génesis 46:29

Ascano José yononi ahuun caballo taramutiya itishara huashononfo apaqui nocoi canon. Apaqui nocotan icoacufoantan uaiquicai funa ununima.

2 Samuel 11:7

Nocoshon David yocani isca huaquin, —¿Niaifo Joab sharamun? ¿Ranushumua futsafori sharamun? ¿Nan Amonitafo aton ranushumuafo nocon caifoan ato shuhuiamun? —ishon David Urías yocani.

Éxodo 18:6

Aqui nocoataima Jetro ahuun raisi Moisés tsain fomani. Ascashon yoiquin isca huani, —Unquian min raisi un non min ahuin non min facu rafu non miqui nocoicairan, —ishon cunu fomani.

Éxodo 33:7

Ascano Israelifo aton pano pushu icafo chaima shara pano pushu futsa Moisés nichini. Ascashon nan pano pushu anunifo isca huaquin, —Ichananti pano pushuran, —huanifo. Nan ratoran futsan nocon Ifo Diosi ahuara yocapai aton pano pushu rasi anoashu nan ichananti pano pushu ano catiro ini.

Éxodo 4:27

Ascano nantianri nocon Ifo Diosin Aarón yoini isca huaquin, —Min ushto Moisés tsoa istaipama miqui oiquin aqui nocotahuun, —ishon Diosin Aarón yononi. Ascano nan machi anumisifo Diosin ahuun machiran, huamisifoanno. Nanno Moisésqui Aarón noconi. Nocotan fasi chipocuquin unimacoinquin ahuun tamoqui tsoani.

Lucas 7:45

Nocon fuyamisi cuscaricai mian uhuun tamo tsoama. Asca na ainfoanfin min pushu muran un iquiaitian uhuun tauqui ua tsoariaiquin.

Hechos 20:37

Cufincatan uaiyanan Pablo icoacufoannifo.

Hechos 28:15

Jesús icoinra huafo Roma anoafoan Pablo oaiton nicacani nocoqui funifo. Atirifi pushurasi Foro de Apio nocoqui noconannifo. Atirifiri pushurasi futsan Tres Tabernas anoashu nocoqui noconannifo no fu Roma ano foshcaquin. Pablonun ato oinquin, —¡Aicho! Upa Diosin, min ua yorafoqui nichiaran, —huani. Ahuun ointi fasi fupihuacoinni.

1 Samuel 17:18

Ascashon aton ranushumua niaifori queso mucu rafuti foshotahuun. Ascan min nasoaitian min ua tapimatiro min ochifo sharamainquin. Ato yoihuu ua tsain fumanonfo.

1 Samuel 17:22

Nantian David ahuarafo fushoa cuscan nan tushu yafi mafo cushumisi inantan ahuun ochi fu ranushumuafo icano ichoni.