Éxodo 18:4 - Sharanahua: Diospan Tsain

⁴ Uhuun facu futsa ahuun anufin Eliezerquin. Nan uhuun upan ahuun Diosifin uarifi numaquin Faraón ua non uhuun caifofoya rutupaifiaiton Diosin noco numa shara noco rutunonfoma. Nanscacufin uhuun facu un nannori anuaquin Eliezeran, —ishon Moisés yoini.

Éxodo 18:4 Iomraidhean Croise

Génesis 49:25

Min Diosi ahuamamishti huatiro. Nanfin min upa non min shunifoan aton Diosiquin. Nanton mia ahuara ashoshquin. Diosin icanoshon mia shara huafain mai anoshori mia shara huafain min facufori aton ahuafo facu cainmasharafain ato shoma ayamasharashquin.

Salmos 34:4

Ascacun uhuun Ifo un cufian cuscan ua nicashara. Ua nicaquin uhuun ratufo ua potashoshquin. Ascainocai afanan ahuara chacafoqui un ratuima. Uhuun Ifon ua numa un afanan afoqui ratunonma.

Salmos 46:1

Diosin no fu ishon noco cushushara. Ahuun curushu noco inain. Ahuara chaca non finoainnofin nan noco fu imisiquin noco ashoshquin.

Éxodo 10:28

Ascano Faraón Moisés yoini isca huaquin, —Natian umaquinoashu catahuun. Afanan natian uqui oyamahuu. Min ua afanan oin min nariscatiroran, —ishon Faraón Moisés yoini.

Éxodo 2:15

Ascano nan Moisés Egipcio rutuita tapishon Faraón ahuun ranushumuafo nichini Moisés funanonfo fuchishon rutushquin. Nan nicatanaitian Moisés ichoni. Ratucaini cai. Mai futsa ahuun anu Madián ari tsoa istaipama pashaicani. Nanri pozomua chaima tsaoni.

Éxodo 2:22

Ascano nantianri facu nanuni. Ascashu furonanfacu cainni. Cainyaintian Moisés yoini isca huaquin, —Nunocai uhuun maima. Un yora futsafo aton mai ano ica. Ascashofin uhuun facushta un anuquin Gersonran huaicai, —ishon Moisés yoini.

Éxodo 4:20

Nannori yoiaiton nicaquin Moisés ahuun ahuin non furun rafu burro camaqui ato iyoni Egipcio mai ano ato fu iishquin. Diosin nan ahuun poquitihuunshon tsoan atiroma cusca huashoita cusca nan Moisés ahuun poquiti tsomani.

Daniel 6:22

Uhuun Diosin ahuun oinmati a fu nai muran icaton ua nichian. Uhuun Ifo Diosin ua oian un ahua chaca huayamafain min ointaifiricai un ahua chaca huamisima. Ascan uhuun Ifo Diosin ahuun oinmati a fu nai muran imisiton masharofo atushcuru acainocai ua ahuusca huatirofomaran, —ishon Daniel yoiaiton.

Hechos 12:11

Ascaino Pedronun shinanni, —Iconfinquin. Uhuun Ifo Jesús ahuun oinmati nai muranshon ua nichian ua numaquin. Herodes yafi uhuun caifo Israelifoan ua rutupaifiaifoan ua numaran, —ishon ahuun nomuran shinanni.

Hechos 7:29

Nicatan Moisés mai futsari ichoni. Nan mai Madián ano ichoni ato muran iyoni. Nannoshon ahuun facu furonanfacu rafu ani.

2 Timoteo 4:17

Asca huafiaifoanno nocon Ifo ufu ica. Ahuun curush ua inan un fasi chai ahuun tsain shara uhuun caifoma un yoiaiton cayacaficoin nicasharanonfo. Ascashon nocon Ifoan ua numani masharofo muran ua potanonfoma.

Hebreos 11:34

Ascan atirifi niaifo chacapan futsafo yonocun ato chi uru muran potamafiafo Diosin ato cushushara coinni coononfoma. Atirifi ato nopun rutupaifiaquicai tsoan ato anima. Ascano atirifi shaca fuacai isininfiaifoan Diosin ato mutsismani. Ascanocai nan ato noicasmaifoan ahuun ranushumuafo atoqui fufiaifoan nanfoancairocon Diosin curushhuunshon ato ichonifo ato ahuusca huanonfoma.

Hebreos 13:6

Ascan iconcoin non yoitiro isca huaquin, “Un ahuara huaiton uhuun Ifoan uari ashomisi. Ascacufin un ratuima. ¿Upa Diosin ua cushuainocai nocofunufoan ua ahuusca huatiromun?” ishon non yoitiro.