Éxodo 18:25 - Sharanahua: Diospan Tsain

²⁵ Ascatan nan ahuun mai anoa Israeli nocofunun mapo sharayafo yafi nan isharamisifo Moisés catonni ato yorafo ato tapimamisi inonfo. Futsafo mil yorafo aton tapimamisi icaino futsafo cien yorafo aton tapimamisi icaino futsafo cincuenta yorafo aton tapimamisi icain futsafo mucu rafuti Israelifo ato tapimamisi Moisés ato catonni nan Diosin ato yoipaiyai cusca ato tapimanonfo.

Éxodo 18:25 Iomraidhean Croise

Génesis 47:6

Afin catontirofo ranimain nuno Egipcio mai sharaquin ano iishcaquin. Gosén mai ano itirofo. Nannofin mai sharaquin nanno ipashanonfo. Min yora futsafin tapisharacoinquin ua uhuun moifo cushushotiroquin, —ishon Faraón José yoini.

Éxodo 18:21

Ascafia nanno min yora nocofunufo mapo sharayafo isharamisifo catonhuun. Nan Diosihuunoa shinansharamisi catonhuun. Ascatan a pui ichapa fipaiquin futsafo paranmisi cuscarafo catonyamahuu. Nan isharamisifoti ato catonhuun. Nanscarafo maton yorafo Diosihuunshon tapimamisifo inonfo. Futsanfoanri mil yorafo tapimamisi icaino futsanfoan cien maton yorafo ato tapimamisi icaino futsanfoan cincuenta aton tapimamisi icaino futsafoanri maton yorafo mucu rafuti tapimamisi inonfo.

Éxodo 18:24

Nan ahuun raisi yoiai cusca Moisés nicatan nanscacoin ani.

Números 11:16

Nannori huaiton nicaquin nocon Ifoan cumani isca huaquin, —Min caifofo nan atohuunoa shinansharamisifo setenta niaifo patasharinoafo catonhuun. Nanfo uqui ihuuhuun. Nan pano pushu ichananti ano min ato ihuuano nanno mi fu ninonfo.

Hechos 6:5

Nicacani nantifi unimanifo. Ascashon Esteban catonnifo. Nanton fasi icoinra huamisi. Diospan Yoshin Sharapan a iquina ini. Felipe non Prócoro non Nicanor non Timón non Parmenas non Nicolás afo catonnifo. Nan Nicolás Israelifomafiashon nanfoan Diosin icoinra huaa cuscan arifi anorisi acaifo cuscan shinanni. Antioquía anoashu cainni.

Deuteronomio 1:15

Ascan man catonni cusca un manifoti nocofunu sharafo nan mapo sharayafo non atohuunoa shinansharamisifo un ato yononi maton niaifofo inonfo mato iquinonfo. Futsafoan mil yora iquinainno futsafoan cien yora iquinainno futsafoan cincuenta yora iquinainno futsafoan mucu rafuti yora iquintiro aton niaifo iishquin.