Éxodo 18:19 - Sharanahua: Diospan Tsain

¹⁹ Un mia yoisharapaiyai cusca ua nicasharapun. Diosin mia shinansharamapainon. Min yorafoan Diosi yocapaiyai cusca mia tapimai fuafo. Ascacun min Diosi cufitiro ato cumasharashquin.

Éxodo 18:19 Iomraidhean Croise

Génesis 39:2

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Éxodo 18:15

—Nocon Ifo Diosin ato amapaiyai cusca uhuun caifofoan tapipaicani. Ascashu uqui shafatishon fuaifoan un ato tapimani.

Éxodo 18:20

Ascano Diosin ato tapimapaiyai cusca min ato yoifain ato yonoai cuscari min ato tapimafain nan isharatirofo cusca ato tapimafain Diosin ato amapaiyai cuscari min ato tapimatiro.

Éxodo 18:24

Nan ahuun raisi yoiai cusca Moisés nicatan nanscacoin ani.

Éxodo 20:19

Ascashon Moisés yoinifo isca huaquin, —Nocon Ifo Diosin noco yoiyai cusca minfin noco tapimatiro nan noco yoipaiyai cusca non ashonon. Ascan nocon Ifo Diosi afin noco yoiaino non nariscatiroran, —ishon Israelifoan Moisés yoinifo.

Éxodo 3:12

—Unfin mi fu ishquicai. Min caifo Israelifo Egipcio mai anoshon iyoaitian nan machi Horeb anoshon man ua cufinshquinon. Ascashon min tapitiro un mia ya min yorafo nan Israelifo ano nichiaran, —ishon yoiaiton.

Éxodo 4:12

Ascacun natian catahuun un mia yoia cusca huahuu. Nan min ato yoiaitian un mia tapimashquiran, —ishon nocon Ifo Diosin Moisés yoiaiton.

Éxodo 4:16

Min ochi mihuunoa mato yorafo yoishquin. Min tsain cuscararishon ato yoisharatiro. Nan min ochifin ua cuscaran min Diosin yoi cafisca huaiquin.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.