Éxodo 18:12 - Sharanahua: Diospan Tsain

¹² Nannori yoitan Moisés ahuun raisi Jetro ina rutushon coani nocon Ifo Diosi ismashquin arifin ahuun Diosin yoiai cusca aashquin. Ascano ahuara futsafori Jetro Diosi inan nan ahuun Ifo ismashquin. Ascano Aarón yafi Israelifo non aton niaifo patasharinoafori Moisés yafi ahuun raisi Jetroqui funifo ato futan piishcaquin. Diosi ointaifi ato futan pinifo.

Éxodo 18:12 Iomraidhean Croise

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 26:25

Nicatan Isaac toquiri putsamuinia anoshon nocon Ifo Diosi cufinshquin. Nanno ahuun pano pushu pochifain ahuun oinmatifoan afanan pozo poquinifo.

Génesis 26:30

Nicatan Isaac ato pimasharafain ato ayamani.

Génesis 31:54

Asca huatan Jacob ina rutushon coani ahuun chaca shatushon ismapaifain a Diosi tanasharapaiyai ismashquin. Asca huatan Jacob ina rutushon ahuun yorafo cunani a futan pinonfo. Ascashu nanno osha fustinifo.

Génesis 4:4

Nantiari Abel ahuun chashoan facu cain taua sharashtacoin nocon Ifo inanni. Ascashon Abel inan cuscan oin nocon Ifo Diosin aqui unimacoinni.

Génesis 43:25

Ascashon José mananifo pushu muranshon fari masafinin racano a futan piishcaquin. Ascatan José ahuarafo cashman inanshcaquin itishara huanifo.

Génesis 8:20

Ascano shashohuan murannoashu cainta Noé toquirifo putsainiqui acamaquishon ina rututi huani Diosi inanshquin. Diosin ato numa cuscan ismashquin. Aqui fasi unimacoinquin Noé nansca huani. Yoinafo yafi nan inafo non puiyafori nan piatio cuscan futsa futsatapafo fusti rasi rutuni toquirifo putsamuinia camaquishon coanifo Diosi ismashquin.

2 Samuel 9:7

—Un mia shara huashquin ihuua. Ascan ratuyamahuu. Min upa nataima un yoiyoni “Min yorafo un ato shara huashquinran,” ishon un yoini. Ascan nantifi min shota Saúl ahuun mai ipaoni un mia inain mina inon. Ascan min u fu nuno uhuun pushu muran itiro. Shafatifi min nunoshon u futan pitiroran, —ishon David yoini.

Éxodo 18:13

Iyoconaino Moisés tsao ano ahuun caifofo aqui funifo nan ahuara chaca finoanfo cusca iyamarai fochishmanantananni cusca yoi fucani Moisés ato yoinon ahuuscamain atirofoquin. Nan shafatishon aqui funifo ato yoisharanon.

Éxodo 2:16

Ascano nan mai Madián ano nocofunu ahuun anu Reuel. Nantofin ahuun caifo Upa Diosi cufinshomisi ini. Ahuun facu shomaya mucu fustiti non mucu foshca fu rafuati ini. Naan shomayafo unu fii focani fonifo apan chashoanfo ayamashcaquin. Ascano nan pozomua ano Moisés tsaoa ini.

Éxodo 2:20

Ascashon nannori huaifoan apan ato yoini, —¿Ranimun nan nocofunu? ¿Ahuuscai man nichifuranamun? Ihuitacahuun piiyonon, —ishon aton apan yononi.

Éxodo 3:1

Ascano nantian Moisés ahuun raisi Jetro ahuun caifohuunshon Diosi cufinmisiton ahuun chashoanfo cushushopaoni. Fasi chaicoincushon tsoa istaipama ano ahuun raisin chashoanfo iyoni. Nanno machi cuyacoin Diospan ahuun machiran ishon anumisifo. Ahuun anu futsari Horeb huanifo.

Éxodo 33:7

Ascano Israelifo aton pano pushu icafo chaima shara pano pushu futsa Moisés nichini. Ascashon nan pano pushu anunifo isca huaquin, —Ichananti pano pushuran, —huanifo. Nan ratoran futsan nocon Ifo Diosi ahuara yocapai aton pano pushu rasi anoashu nan ichananti pano pushu ano catiro ini.

Daniel 10:3

Tushu fatan sharacoinfiacucai un piyonima. Namiricai un piyonima. Fimi ahuun anu uva ahuun unuricai un ayayonima. Shuni ahuun inin sharacoinfiacucai nan semanan rafu non fusti un ahuun raishicama.

Lucas 14:1

Man ascano chipo Fariseo niaifoan ahuun pushu muranshon Jesús tunutitian pimani. Ascaino yora futsafori afu pushu muran iquinifo. —Jesusmain ahua huaicain non oinnon, —icanashu.

Lucas 14:15

Futsan sapa ano tsaoshon Jesús yoini, —Ifon, Upa Diosin nantifi yorafo iquinai ano atofu iquiashu fasi ipasharashquiran, —ishon yoiaiton.

1 Corintios 10:18

Ascashon nocon caifo Israelifohuunoa shinancahuun. Nanfoan aton inafo rutucashon Dios inanmisifo aton chaca soapaiquin. Aton ichananti pushu murannoa yonoshomisifoan nan nami pimisifo. Asca huacanifin nan fusti shinantsa acaniquin. Piyanan Dios cufimisifo.

1 Corintios 10:21

Man nocon Ifo Jesús fu rafupaicain a yoshin chacafo fu man rafutiroma. Ascashuri nan rafu man ositiroma. Man Jesús icoinra huafo fu ichanancashon man ato futan ayafain Jesús noco nashoni cuscan shinanshquin. Man asca huatacai nantianri aa Jesús icoinra huamafo fu man ichanantiroma nan yoshin chacafo shinanshquinma.

1 Corintios 10:31

Un mato tapimasharanon. Ahuara man pifain ayafain man ahuarashta futsa huai cuscari acafiri futsafoan Diosihuunoa shinansharanonfo.