Éxodo 18:11 - Sharanahua: Diospan Tsain

¹¹ Nan cacapaimisi Egipciofoan mia non min yorafo chaca huapaoni. Nanscacun nocon Ifo Diosin ato onaintimana afanan mato omitsiscamanonfoma. Ascacun natianfin mun tapiaquin ahuara futsafocai Dioscoinfoma. Nocon Ifo Diosin nantifi finoanran, —ishon Jetro yoini.

Éxodo 18:11 Iomraidhean Croise

Éxodo 1:10

Non natian shinanon ahuuscashomain non ato finontiroquin. Non ato finonyamaino noco chaca huatirofo. Nan noicasmaifoan aton ranushumuafoan noco rutuaifoanno nan Israelifoan ato futan noco rutufaini nocon mai anoashu fotiroforan, —ishon niaifoan ato yoini.

Éxodo 1:16

—Maton caifo Hebreo ainfofo aton facufo cainyaintian man ato cushutiro shotocofacu caianshu nitiro. Ascan furonanfacu caincun ato rutucahuun, —ishon niaifoan ato yononi.

Éxodo 1:22

Ascashon Egipciofoan aton niaifoan Faraón nantifi ahuun caifofo ato yononi isca huaquin, —Hebreofo aton facu furonanfacufo rama cainyaifo ato unu Nilo muran potacahuun asanonfo. Ascan shotocofacufo unu muran potayamacahuun ninonfo, —ishon ato niaifo Faraón yononi.

Éxodo 10:3

Nannori nicatan Moisés yafi Aarón Faraón pushu ano fonifo Diosin ato yoia cuscan Faraón tapimashcaquin. Ascano yoiquin isca huanifo, —Nonfin Hebreofoquin. Nan nocon Ifo Diosin mia yoipaiyai cuscan non mia tapimai oa. Mia yoipai isca huaquin, “¿Ahuutiamun min apai cusca fusti min atamarocon ua nicacoin? Uhuun yorafo nichihuun ua cufintanonfo.

Éxodo 12:12

Nan man piai yamuri un Egipciofo nantifi ato pushu ano cai aton furun iyoafofo namashquin. Ascashon nantianri aton inapan facu funu iyoafofosi un ato namaquin futsai. Nan Egipciofo aton diosiran ishon afin ahuara rami huafofin un chacana huaicai. Unfin ato ismaicai nanfocai ahuama. Un Egipciofo ato onaintimai cuscacai tsoan ato numatiroma. Ascano Egipciofoan tapitirofo aton diosifocai Diosicoinfoma. Urus fustifin un Ifo Diosiquin.

Éxodo 14:18

Ascacun nan Faraón non ahuun taramutifoya non ahuun ranushumua nan caballo camaqui camisifo un ato onaintimaitian nantian Egipciofoan tapishcani unfin nantifiton aton Ifo Diosiquin. Tsoa futsacai ua cuscara sharama. Ascashofin ua tapitirofoquin, —ishon nocon Ifo Diosin yoini.

Éxodo 14:8

Nan Israelifocai tsoashta ratunima Egipcio mai anoashu foaifotian. Nocon Ifo Diosin Egipciofoan aton niaifo Faraón ahuun nomuran curush huamani Israelifo mufaitan ato achinon.

Éxodo 15:11

Nan diosiran ishon rami huafocai dioscoinfoma. Afocai mia cuscarafoma. Tsoa futsacai mia cuscarama. Min fusti sharacoin. Mia cuscaracai tsoan oinyomisima. Min ahuamamishti huatiro. Min curushhuunshon ahuara huamisi cusca oinquin, “¡Aira! ¡Oincapon! Diosin acai cusca fasi sharacoinran,” ishon non yoitiro.

Éxodo 5:2

—¿Tsoamun nan maton Ifo Diosiquin ua yononon un maton caifo yafi mato nichinon? Uncai maton Diosi tapiama tsoanmainquin. Ascacun uncai nan min caifo Israelifo nichima, —ishon Faraón ato cumani.

Éxodo 5:7

—Afanan Israelifo shachi cuscara inanyamacahuun aton ladrillofo afin onihuanonfo. Nanfoanfin aafin shachi funatirofoquin.

Daniel 4:37

Ascan uquian Nabucodonosor un Ifo Diosihuunoa yoisharai. Nanfin nai muran icaquin niaifoquin. Nantifi nanton aca cuscan cayacafi shara huafain yorafori ashomisi cuscan cayacafi shara huamisi. Ascacun nantifi ahuunoa ifo huacahuun. Tsoa futsacai a cuscara sharama. Nantofin nantifi finoncoianquin. Ratomain cacapaimisishon yoiquin isca huaicain, “Unfin sharaquin. Un apaiyai cuscan fusti huatiroquin,” ishon yoiaiton Ifo Diosin na cuscara unumatiro afanan min ahuamaran ishon tapimatiroran, —niaifo Nabucodonosor yoini.

Lucas 1:51

Diosin ahuun shinanpan ahuamamishti huamisi. Ascashon nan cacapaimisifoan aton nomuran shinanchacamisifo cuscan Diosin ato shatumafain atori onaintimai.

Santiago 4:6

Ascan afanan Diospan tsain noco cunushoni isca huaquin, “Ratoran futsan Upa Dios nicacasmai afin apaiyai cuscan fustisi huai nanfin cacapaimisicoinquin. Ascaraquicai Diosin unimaima. Ascashon ato onaintimashqui. Ascafia nan ratoran futsan Jesús cuscara ipaicoinquifin nantonfin tapiaquin fasi Jesús yopacoin isharashquin. Nanscarafohuunfin Diosin ramapaiquin ato shara huashoshquin finacoinshquin ahuun curushu ato inanshquin tanasharanonfo,” ishon cununi.

1 Pedro 5:5

Nanscarifiai pushcofoan iyoafofo nicasharacahuun mato yoiaifo cuscan aashcaquin. Pushcofoan iyoafofoya shara huatanancahuun. “Upa Diosicai cacapaimisifo cuscara tapipaima. Ascashon nan cacapaimisifo ato onaintimashqui. Ascan nan tsii huatananmisifofin shara huashoshquiquin. Nan cuscarafohuun Upa Diosin atohuun ramapaiquin ato shara huashofafainshquin,” ishon Diospan tsain cununi.

1 Samuel 2:3

Cacapaimisifoan, “Uncain tsoa futsa cuscarama. Tsoan ua finontiromaran,” ishon shinanyamacahuun. Afanan tsain curafiapaimisi cuscara yoiyamacahuun. Nocon Ifo Diosin man amisi cusca tapicoian. Man amisi cuscanhuunoa mato onaintimatiro.