Éxodo 17:9 - Sharanahua: Diospan Tsain

⁹ Ascaiton oinquin Moisés nan nocofunu ahuun anu Josué yoini isca huaquin, —Nocon caifo nocofunufo catonhuun. Ato iyotashquin Amalecitafo fu rutunanonfo. Funamari un machihuan mamaqui caiquin Diosin ua yonomisi cusca nan poquiti un tsomai cairan, —ishon Moisés yoini.

Éxodo 17:9 Iomraidhean Croise

Éxodo 17:13

Ascashon Josué futan ahuun caifo Israelifoan Amalecitafo ashifoan ato rutunifo. Nan ato rutuquin tushuhuafoti Amalacitafo ichonifo.

Éxodo 18:21

Ascafia nanno min yora nocofunufo mapo sharayafo isharamisifo catonhuun. Nan Diosihuunoa shinansharamisi catonhuun. Ascatan a pui ichapa fipaiquin futsafo paranmisi cuscarafo catonyamahuu. Nan isharamisifoti ato catonhuun. Nanscarafo maton yorafo Diosihuunshon tapimamisifo inonfo. Futsanfoanri mil yorafo tapimamisi icaino futsanfoan cien maton yorafo ato tapimamisi icaino futsanfoan cincuenta aton tapimamisi icaino futsafoanri maton yorafo mucu rafuti tapimamisi inonfo.

Éxodo 24:13

Nannori nicatan Moisés Israelifo aton niaifo patasharinoafo ichanan huani ato yoishquin. —Unfin Josué fu machi Sinain mamaqui mapuicaicain nocon Ifo Diosin noco yoipaiyai cusca noco yoinon. Nunoshon noco manayocahuu. Un nunomano ahuara chaca finonshon Aarón iyamarai Hur yoicahuun nan rafutan mato yoitiro manmain ahuuscatiroquin, —ishon Moisés ato yoini.

Éxodo 33:11

Ascatan pano pushu ichananti murannoashu nocon Ifo Diosin Moisés fu yoinonanni. Nan a fu rafua fu yora tsaintiro cusca ai nocon Ifo Diosin Moisés fu tsainni. Tsainquin unutan Moisés afanan ahuun caifo icano nasoni. Ascano nan Moisés fu rafumisi Josué Nunpan facu nan ichananti pano pushu muran nituyoni.

Éxodo 4:17

Natian min poquitiya catahuun un mia yonoai cusca huaquin min poquitihuunshon min ahuamamishti yoran atiroma cusca huaquin min yorafo ismashquiran, —ishon nocon Ifon Diosin Moisés yoini.

Éxodo 4:2

—¿Minmun ahua tsomaquin? —ishon nocon Ifon Diosin Moisés yocaiton. —Uhuun poquitiran, —ishon cumani.

Éxodo 4:20

Nannori yoiaiton nicaquin Moisés ahuun ahuin non furun rafu burro camaqui ato iyoni Egipcio mai ano ato fu iishquin. Diosin nan ahuun poquitihuunshon tsoan atiroma cusca huashoita cusca nan Moisés ahuun poquiti tsomani.

Números 11:28

Nan nicatan Nunpan ahuun facu Josué nan pushcoaitian Moisés fu rafumisi nan ahuun oinmati cuscaran ipaoniton yoiquin isca huani, —Uhuun niaifo, Moisés, Eldad yafi Medad yoihuun afanan tsain yoinonfoma, —ishon Josué Moisés yoini.

Números 13:16

Nan nocofununfoan aton anufo catoan cusca Moisés ato mai futsa ointanonfo ato nichini. Nunpan facu Oseas Moisés anu futsa tuqui huani Josuéran huani.

Números 13:8

Mani futsafoan ahuun anu Efraín aton niaifo Oseas catonni. Nan Oseas Nunpan facu ini.

Números 27:18

Ascaiton nocon Ifo Diosin cumani isca huaquin, —Nunpan facu Josué mun catoan. Uhuun Yoshin Shara a fu rafumisi. Ascan Eleazar nan ahuun caifohuunshon ua cufinmisi non nantifi Israelifo icano Josué iyotahuun. Ascashon aton ointaifin Josué manmanhuun. Ascatan min Josué yoitiro nan min naitian naanfin mia cuscaran Israelifoan aton niaifo iishquiquin ato iyosharafain ato cushusharashquin. Nannori min yoiaiton min caifofoanri tapitirofo unmain aton Ifo Diosicun unfin Josué catoanquin aton niaifo funa inon.

Hechos 7:45

Ascatan fari ichapa finontan nocon shunifoan nan pano pushu fonifo. Nantianri aton niaifo ahuun anu Josué ato iyoni mai futsa finonfo. Diosihuunshon caifo futsafo nan mai anoafo potanifo aton mai inon. Nan Josué niaifo taupaonino man fari ichapa finontan Davidrifi yositirofo pano pushu muran ichananpaonifo Upa Dios cufishcaquin.

Hebreos 4:8

Ascashon Josué ahuun caifofo aton mai ano iyoni nannoashu isharanonfo. Ascafia nan maicoinhuunoacai Diosin chipo noco yoima. Nan Israeli maihuunoa yoiquicai isca huacuanima, —Natian man ua nicasharaquicai afanan man shinanchacaima. Ascatamarocon maton nomuran unimacain ufu man rafucacaishquinran, —ishoncai yoi cuanima.