Éxodo 17:12 - Sharanahua: Diospan Tsain

¹² Ascano Moisés ahuun poyan rafu atsanaiton oinquin Aarón futan Hurpan toquiri uhuapa fushonifo Moisés acamaqui tsaonon. Ascano Moisés tsao ano Aarón Moisés poyatani atsananonma. Ascano Hurpanri Moisés ahuun poyan ocuma futsa poyatani atsananonma. Nan fari caitishon ahuun poyan rafu nai ari Moisés mushan huani. Nannorimain nocon Ifo Diosi cufiainno Moisés atsananonma.

Éxodo 17:12 Iomraidhean Croise

Éxodo 17:11

Ascashon Moisés ahuun mucu rafu nai ari mushaino Israelifoan Amalecitafo ato rutuquin shuhuunnifo. Ascano Moisés ahuun poyan rafu atsanaquin fipapacufoannaino Amalacitafoan Israelifori ato rutuqui shuhuitanifo.

Éxodo 17:13

Ascashon Josué futan ahuun caifo Israelifoan Amalecitafo ashifoan ato rutunifo. Nan ato rutuquin tushuhuafoti Amalacitafo ichonifo.

Efesios 6:18

Ascacun Diospan Yoshin Sharahuunshon Dios unutama cufifafaincahuun. Aqui mutoi futsucaquima. Ahuara futsa ahuuscarai cuscan Upa Dios cuficahuun. Ointiaquimacaquima. Upa Dios cufifafaincahuun. Nantifi Jesús icoinra huafo ato cufishofafaincahuun.

Filipenses 1:19

Ascacun mun tapian man ua cufishonai cuscan yafi Jesucristo Yoshin Sharapan ua ashoain cuscan un fasi unimai. Ascatan nan ahuara ahuu cuscararan un finonfiashucain un shinanchacaima. Ascatamarocon nan un finon huain cuscan ua shara huashoin.

Colosenses 4:2

Ascacun Upa Dios cufinquin unuyamacahuun. Cufinquin ahuara futsa shinancaquima. Upa Dios iconcoin fusti cufinquin isca huafafaincahuun, —¡Aicho! Upa Diosin min ua shara huafafainiran, —ishon cuficahuun.

1 Tesalonicenses 5:25

Uhuun yoramishtichin noco Upa Dios cufishocahuun.

Hebreos 12:12

Ascacun ahuara ahuuscarafiaino shinanchacayamacahuun. Upa Diosin mato tapimapaiyai cuscan nan fusti tapicahuun. Ascashon Jesús tanaquin unupaitama nicasharafafaincahuun. Ascatari ahuun tsain sharaquin mutoyamacahuun.

Santiago 1:6

Ascan man Dios yocafiatan ointi rananya iyamacahuun. Shinanquin isca huayamacahuun, —Un Dios yoca cuscan ua tapimai iyamarai itsairaca ua tapimaimaran, —ishon anori shinanyamacahuun. Ascatama icoinra huacoincahuun. Tsoan icoinra huacoinyamashu nan fuutan ihui focuatiro cuscan. Ascashu fuuhuanquin ihui focuacaiton non tapitiroma raquiricaimain focuaquicai. Nanscarifi aquin tsoan Dios yocafiaquin icoinra huacoinyamashon futsa futsa huaquin shinantiro.